Shillong, Naiwieng 07
Ka Seven United ka la jop ha ka jingïakhun kaba khatduh jong ka Group-C ha ka Meghalaya State League 2024, hadien ba ka la pynliem noh ïa ka Nangkiew Shaphrang Lumdiengngan da 2-1 ha Tyrsad ha ka sngi Palei.
Ka Lumdiengngan ka la ïoh ban pynkhih jar nyngkong eh lyngba u Kitboklang Sohtun (22) hashwa ba u K. Sammuel Kurbah (41) un pynïakhaid na ka bynta ka Seven United, kaba hadien kata ka la thep biang sa shi kol ha ka minit kaba 77 lyngba u Kenny Syiemïong.
Te kumta ka Seven United ka la jam shaka kyrdan ba-ar da kaba kamai 6 point na ki lai sien ïakhun ha katei ka group, kata hadien ïa ka Ladthadlaboh kaba danglamkhmat da kaba kamai 9 point.
