Nongstoiñ, Nohprah 03
Ban pynkhreh na ka bynta ka jingleit ïashim bynta ha ka 6th Meghalaya Game 2025 ka ban long ha Jowai bad Wahïajer ha West Jaiñtia Hills, ka West Khasi Hills District Table Tennis Association (WKHDTTA) kan pynlong ïa ka prokram ban jied nongïalehkai ha ka Table Tennis.
Katkum ka kyrwoh khubor ba la pyllait da u President ka synjuk u la ong ka jingthmu ban pynlong ïa katei ka jingpyrshang ka long ban pynkhreh leit ïashim bynta sha katei ka lympung.
Namar kata, u la ong na ka liang ka Synjuk ka wer ïa ki nongïalehkai na baroh kawei ka District ban wan ha ka 12 tarik mynta u bnai naduh ka por 9 baje mynstep ha Indoor Stadium, Nongstoiñ.
