Jowai, Nohprah 22
Ka Jalapang SC ka la jam sha ka final ha ka lympung ïalehkai 8th Invita -tion Knockout Football Tournament kaba pynïaid da ka Wahïajer SC. Kane ka wan hadien ba ka la lah ban pynliem noh ïa ka New Shillong da 3-2 kol ha ka sngi Saitjaiñ.
Kane ka la wan urlong lyngba u Kitbok Pale, Manbha Marbaniang bad u Oliver Pale na ka bynta ban pynurlong ïa ka kynhun ban kynjoh sha ka thong.
Ha katei ka jingïa-khun semi final kaba la long ha Wahïajer Sports Complex, ka New Shil-long ka la ïoh ban pynkhih jar nyngkong eh ha ka minit kaba 22 lyngba u Fledy Shynret. Hadien hynriew minit ka Jalapang ka la lah ban pynïakhaid kylla lyngba u Kitbok Pale. Kane ka jingïakhaid ka la neh haduh kaba kut jong ka kylla step.
Hadien katto-katne por ba la bteng ïa ka jingïakhun jong ka kylla miet, ka Jalapang ka la ïoh ban thep biang sa ar kol lyngba u Manbha Marbaniang ha ka minit kaba 51 bad kawei pat da u Oliver Pale (60). Hadien phra minit ka New Shillong ka la lah ban pynphai kylla shi kol lyngba u Bapynkmen Kharsati bad haduh kaba kut kam shym la lah ban pynphai bad ka la mad ïa ka jingshah rem.
Kawei pat ka jingïa-khun semi final ba ar kan long hapdeng ka Nangbah Mulang pyrshah ïa ka Nongdawah ha ka 23 tarik ha ka por 1:30 nohphai sngi.
