Shillong, K’Lyngkot 05
Ka Sutnga SSCC bad ka Ladthadlaboh SC kin pynkhreh ïa ka jingïakhun quarter final ha ka lympung ïalehkai Meghalaya State League 2024 ha ka 11 tarik mynta u bnai ha Deingshynrum kaba ha Khliehriat ha ka por 1 baje nohphai sngi.
Kumba ka paw ka Ladthadlaboh ka dei ka kynhun kaba la wan ha ka kyrdan ba hakhlieh jong ka Group-C kaba la long mynshem snem ha Tyrsad, ha kaba ka la long ka kynhun kaba khlem shah rem ha ki lai sien ïakhun ryngkat 9 point.
Katba ka Sutnga ka la long ka kynhun kaba la lamkhmat ha ka Group-B kaba la long ha Mawkyrwat ha kaba ka la jop arsien bad shah rem shisien ryngkat 6 point na ki lai sien ïakhun.
