Shillong, K’lyngkot 08
Ki runar bym lah ban tip ki dei kiei, ki la dung da ki kynja ba nep ïa u trai jong kawei ka dukan bad ruh ban rah ei ïa ka mobile phone ka jong u.
Katkum ka khubor kaba la ïoh na ki pulit la ong ba u Bah Premus Lyngdoh u la ujor sha ki pulit ba ha ka 4 tarik mynta u bnai kata hapdeng ka por 1.30 bad 2 baje dang step, ki runar bym lah ban ithuh ki la pyrshang ban prong jubor hapoh ka dukan kaba don ruh ka ïingsah ka jong u, ha ka shnong Mawthawiang Nongtraw ha South West Khasi Hills.
Shuh shuh la ong ba kham hadien haba la ïohi ïa utei u trai dukan, kine ki runar ki la shim da ki kynja tiar nep bad ban dung ïa u bad ruh ban shim noh ïa ka mobile phone ka jong u.
Ha kaba ïadei bad kane, na ka liang jong ki pulit ki dang pynlong ïa ka jingtohkit na ka bynta ban lap ïa ki jingshisha baroh bad ruh ïa ki runar kiba donkti ha katei ka kam.
