Kolkata, Kyllalyngkot:
Ki kynhun pahara ki la ïoh mad ïa ka jingjop kaba khraw ha ka por ba ki la pynlong ïa ka jingleit khynra pyrshah ïa ki lehnoh Naxal ha Sukma, ong u Symbud Myntri Rangbah jong ka jylla u Vijay Sharma.
Ha kane ka jingleit khynra ki la don kumba lai ngut ki Naxal ba la ïap ha ka jingïasiat kaba markylliang bad ki bor pahara ha ka Sukma distrik jong ka Chhattisgarh ha ka Sngi Palei, ong u Sharma.
Haduh mynta, la ïoh ban sei tang ïa lai tylli ki met ïap jong ki Naxal bad ka jingthwet ka dang ïaid shakhmat, ïohba dang don shuh sa kiwei pat, la ong u Sharma, uba bat ïa ka kam ha ka tnat ki kam pohïing, ha ki nongthoh khubor ha Raipur.
Haba ïadei bad ka jingbthei IED ba la leh da ki Naxal ha ka 6 tarik u Kyllalyngkot ha kaba 8 ngut ki shipai pahara bad uwei u nongñiah ka kali jong ki uba dei u riewpaidbah ki la ïap ha Bijapur distrik, u Symbud Myntri u la ong, “Ka don ka jingbitar kaba khraw hapdeng ki bor pahara hadien kaei kaba ki Naxal ki la leh.”
“Nga la ïakynduh ïa ki (ki bor pahara) nga pynkynmaw biang ba da ka jingkhlaiñ bad jingshlur jong ki shipai jong ngi, ki kam pyntriem jong ki lehnoh kin sa kut noh bad ngin sa lah ban jynrat ïa ki ha ka por ba la buh,” u la ong. ngi). jawans, ïa ka jingma (Naxal) yn pynduh noh hapoh ka por ba la buh,” u la ong.
U Myntri ka tnat ki kam pohïing jong ka sorkar kmie, u Amit Shah, ha ka Lah Sngi U Blei u la kular ban pynduh jait ïa ki Naxal na ka ri, hapoh u bnai Lber jong u snem 2026 bad u la pynskhem ba ka jingaiti jong kito kiba la shah pynïap ha ki lehnoh ha Chhattisgarh, kan ym long lehnohei.
Ha ka step jong ka Sngi Palei, ka jingïasiat kaba markylliang ka la jia ha kawei ka khlaw kaba don harud khappud jong ki distrik Sukma bad Bijapur ha ka por ba ka kynhun ba ïatreilang jong ki bor pahara ka la mih shabar ban ïaleh pyrshah ïa ki Naxal, la ïathuh ki pulit.
Ki shipai kiba dei na ka kynhun District Reserve Guard, ka Special Task Force bad ka CoBRA (Commando Battalion for Resolute Action- ka kynhun ba pawkhmat jong ka CRPF) ki la don bynta ha kane ka jingkhynra, ki la ong.
Da kane ka jingshah siat jong kine ki lehnoh, ki la don baroh kumba khyndai ngut ki Naxal kiba la shah pynïap ha ki jingïasiat ba markylliang ha ka jylla haduh une u snem.
Ha ka jingkhynra pyrshah ïa ki Naxal kaba la neh lai sngi da ki bor pahara ha Abujhmad ha khappud jong ki distrik Narayanpur-Dantewada-Bijapur kaba la kut ha ka 6 tarik u Kyllalyngkot, 5 ngut ki Naxal ki la shah pynïap kynthup ar ngut ki kynthei.
Ha ka 3 tarik, Kyllalyngkot, uwei u Naxal u la shah pynïap ha ka jingïasiat bad ki bor pahara ha Gariaband distrik, kaba hap ha Raipur Division.
Ha u snem ba la dep, ki don 219 ngut ki Naxal kiba la shah pynïap ha ki shipai pahara ha ki jingïasiat ba markylliang kiba la jia ha kylleng ki jaka kiba don ha kane ka jylla.
