Shimla, Kyllalyngkot:
Uwei u briew ha Himachal Pradesh ha Hamirpur distrik u la sah ha ka lyngngoh kaba khraw haba u la ïoh ïa ka bai bording kaba kumba ar billion tyngka.
U Lalit Dhiman, nongkhaïi ha ka shnong Beherwin Jattan, u la ïoh ïa ka Bill kaba T.2,10,42,08,405 na ka bynta u Nohprah, 2024.
U Dhiman u la siew tang T.2,500 shi bnai mynshwa. Nangta u la leit sha ka ophis jong ka Electricity Board bad ujor halor kane.
Kane ka jingleit ujor jong u ka long naba um pat ju ïoh koit kaba kum kane ka bai bording ha kaba ka la kiew shaba palat bad kaba um lah ban pdiang satia bad kyntait ban siew ruh.
Ki heh sorkar ki la ïathuh ïa u ba u ïoh ïa ka bai bording kaba heh namar ka jingthut ha ka bording.
Hadien la ïathuh ba la pynbeit ïa ka bill jong u bad la pynhiar sha ka T.4,047.
Ha u snem ba la dep, uwei u nongthaiñ jaiñ ha Gujarat, Valsad, u la ïoh ïa ka bai bording kaba la palat ïa ka dor jong ka jaka ha ka dukan jong u.
U Muslim Ansari, uba pynïaid ïa katei ka dukan bad u kpa jong u, u la ïoh ïa ka pisa Bill kaba T.86 lak.
Hadien ba u Ansari u la pynpaw ïa ka Bill kaba heh jong u, ki heh na ka Discom ki la leit mar-mar sha dukan jong u ban khmih bniah ïa u meter.
Kaei kaba ki lap ka long ba la pynrung bakla ar tylli ki dak — 10 — ha ka jingpule jong u meter bad kane ka la pynlong ïa ka jingsiew Bill kaba heh bha.
