Mr. Samuel Marwein
Katkum katei ka subject haneng haba peit bad pule ngi sngew lyngngoh balei thoh kumne. Kiba sngewthuh ïa kane ki dei tang ki briew kiba im ha kine ki kam (khaïi /Rep ka riang). Ym dei ïa ki briew kiba im ha ki kam Sorkar kiba ioh tulop man la u bnai. Ban pynim ne pynriew spah ia ka Ri bad ka jaitbynriew donkam ka jingstad bad jingshemphang khnang ba ngin lah ban sngewthuh kumno ban kyntiew ïalade bad ia ka Ri ruh kumjuh. Ka khaïi ka Rep ka riang ki dei ki budlum jong ka Ri bad ka jaitbynriew ban kyntiew ïa ka na ka jingduk sha ka jingriew spah. Ha kum kane ka por bad ka juk mynta la bun kiba nang bastad kiba khlem kam khlem jam. Ka lad kaba sah ha ki ka long ka khaïi bad ka rep ka riang. Hynrei lada kata ka khaïi ne ka rep ka riang kam don pateng, phi tharai kan kiew ne neh pateng la pateng. Hynrei kaba sngewsynei bad sngewsih ka long ba lada kano kano ka kam (Khaïi/Rep ka riang) lada ym don pateng ka iap ne duh noh. Ka Ri bad ka jaitbynriew jongngi kaba long kaba riewspah ha baroh ki liang. Te balei keiñ ngim kiew ne kot bor kum kiwei ki jaitbynriew jong kane ka pyrthei. Nuksa iba rit, haba kiba nabar Jylla ki wan shane ban bylla ne khaïi ha i jingsdang iba rit hynrei kim ju neh sah kumjuh, ki kiew bad nangkiew nangïar ka khaii jong ki. Bad ki nangiai don pateng la pateng. Sngewtynnad lada ngi iohsngew ne iohi da la ka jong ka khmat namar ba ki trei shitom bad ki la leh ban kiew sha jrong kam dei tang ka jingtrei shitom hynrei ma ki ki don kata kaba ngi ong ka pateng. Pateng ka mut don ki nongshimti ïa ka kam ka jam, ym tang ba ki shimti hynrei dei kiba la don bynta lang ryng-kat ryngkat ban ïatreilang bad ban sngewthuh naduh sdang haduh ka khyllipmat ba ki shimti.
Kiba lah ban mih ha ka miet ka ïong ha u slap u phria. Ha ki jingleit jingwan kiba jngai. Kiba don ka buit ka bor bad ka por ban trei. Shu buh noh lada kita kiba shimti ïa ka kam (khaii/Rep ka riang) ki trei 300 sngi (Lai spah sngi) na ka 365 sngi (lai spah hynriew phew san sngi). Hangne ngi shem bad iohi ba ka don kata kaba ngi ong ka jingsei soh bad jingioh nong bad kane ka lah ban pynheh pynïar bad pynneh pateng la pateng. Na kata ka daw ka la dei ka por ban sngewthuh mano ba dei ban shimti ïa ki kam (khaïi/Rep ka riang) jong ki Kmie ki kpa kiba la trei shitom ha ka por jong ki ban pynheh bad pynïar la ka long ka khaïi/Rep ka riang) ki bym lah ban aiti lut ïa ka buit ka bor bad ka por 100 % ki bym lah ban mih ha ka miet ka ïong, ha u slap u phria ki bym lah ban leit jing-leit jingwan kiba kham jngai na kawei ka jaka sha kawei pat. Lane kiba shu shaniah ha kiwei ïa ki kam ba ki trei. Lane aiti shuwa shipor ïa ka kam ba ki trei ha kiwei na ka daw bym lah kiar. La kum ban shu ong noh na ka 365 sngi tang 165 sngi kin trei bad kaba sah 200 sngi kin hap ban pynlut ha kiwei pat ki bynta jong ka jingim jong ki ha ïing ha sem na ki daw bym lah kiar. Phi tharai kata ka kam ba ki trei kan kiew bad neh pateng la pateng. Lane ki bym nang ban pynïaid ïa ka kam ba la aiti ha ki lane ki bym tip hi ruh kumno kata ka kam (khaïi /Rep ka riang) ka sdang ruh.Kane keiñ ka pyntroin bad pynduh syndon wat ïa kiei kiei kiba la don lypa naduh nyngkong ruh.Kumta haba ngi peit ban pule bad iohi da la ka jong ka khmat ngim lah ban shu sngap khlem da ïa pyni lang.Na kata ka daw ngi dei ban ïa pyrkhat lang kumno ban pynim ïa ka khaïi ka rep ka riang ba kan ïai neh pateng la pateng ban kyntiew ïa ka jaitbynriew baieit jongngi.
