Ka jingleh ka Sorkar Assam ka State ba marjan ba la synshar da ka party BJP ban khang noh ïa ka jingbam doh masi ha ki Hotel bad jaka paidbah katkum kata ka aiñ “The Assam Cattle Preservation Act of 2021” la khang noh ban pyniap masi bad ban die doh masi ha ki jaka ba don bun ki Hindu jngai haduh 5 (five) KM na ki jaka mane blei ne temple ki Hindu, Jain, bad Sikhs. Ka Assam ka la don ruh ka aiñ ban pyrshah ïa ka jingpynkylla niam (Ka Anti conversion Law) lada lap ïa ki Pastor ne Phadar ki pynkylla niam Khristan ïa ki briew ha Assam kin ngat ha ka jingpynshitom kaba tyngeh katkum katei ka aiñ. Ha Assam la khang da ka aiñ ïa ka jingpynkoit ïa ki jingpang da kaba shu duwai pynkhiah ne pynkoit da ka bor mynsiem (Spiritual Healing ne miracle healing) kumba ju leh ki khristan ne da kaba duwai kñia kumba ju leh ki niam Khasi tynrai ne leh duwai byrtong jhare khlem dih dawai kin hap shah pynshitom ha ka aiñ healing by magic. Kitei ki aiñ bad jing-leh jong ka Sorkar BJP ha Assam ka la pynsheptieng shi kat dei ïa ki nong Meghalaya ïa ka Party BJP ha Meghalaya khamtam ïa ki paid Khasi – Jaiñtia bad Garo ka pynlong ïa ki paidbah Meghalaya ban pynjngai na ka party BJP ka don ka jingartatien shano kan ïalam kane ka Party BJP ïa ki paidbah jong ngi kiba bun ki dei ki Khristan ba ju bam don masi bha kum ka doh ba bang bad tei met shibun bad kum ki khristan bad niam khasi ba ngeit ha jingduwai ne kñia pynkhiah ïa kiba pang da ka bor Blei bor mynsiem ne kambah. Ha Meghalaya nga ïaroh ïa u Bah Sanbor Shulai MLA BJP, u Senior BJP leader uba nud ban kren pyrshah ïa ka jingkhang bam doh masi ka Sorkar BJP ha Assam lada don tang kumba 50 (Sanphew) ngut ki heh BJP Meghalaya kiba nud kren pyrshah kum u Bah Sanbor Shullai, ka jingsheptieng BJP ki paidbah Meghalaya kan kham duna khyndiat. Na ka jingleh ka Assam lah ban kiew dor doh masi ha Meghalaya.
Dr. Boss L. Marthong
New – Nongstoin
