Lucknow, Rymphang:
U nongïalam jong ka Samajwadi Party, u Akhilesh Yadav, ha ka Sngi Ba-ar, u la kynnoh ba ka sorkar UP, kaba la ïalam da ka BJP, ka buhrieh ïa ka jingdon jong ki briew kiba la ïap, ha ka jingjia jong ka jingïaïuh para briew ha Mahakumbh.
Haba ïashim bynta ha ka jingïatai halor ka Motion of Thanks halor ka jingkren jong u President, u Yadav u la dawa ban pynshitom ïa ki ophisar kiba la kynnoh ba ki la pyrshang ban tap ne buhrieh ïa ka “jingdkhot ha ka rukom pynïaid” ha Kumbh.
“Ka sorkar ka dang ïai bteng ban pynmih ïa ki nombar mang tyngka, sngewbha ai ruh ïa ki nombar jong kiba ïap ha Kumbh…Ki jingkheiñ halor kiba ïap ha ka jingjia basngewsih ha Maha Kumbh, ka jingsumar ïa kiba mynsaw, ka jingdon ki dawai, ki doktor, ka bam, ka um, ka leit ka wan dei ban pyni ha ka ïingdorbar thawaiñ,” u la ong.
U Akhilesh Yadav u la kam ba ka sorkar ka la pyndonkam da ki mashin JCB bad ki traktor ban pynkhuid ïa ki met ïap kiba la bret pathar ha madan Kumbh hadien ka jingïaïuh para briew.
“Ki briew ki wan ban pan ïa ki jingkyrkhu hynrei ki hap ban mih noh bad ki metïap jong kiba ïajan bad kiba ïaïeid eh. Ka jingphylla hangne ka long ba ka sorkar ka lap ïa ki metïap hynrei ka dang kyntait ban pdiang ïa ki jingdon bun jong ki,” bynrap biang u Yadav.
U la kynnoh ruh ba ka sorkar ka la pynhap syntiew na ka helicopter haba ki met ïap jong kitei ki briew ki dang thiah ha ka jaka thang briew.
“Ka sorkar ka la pynhap ïa ki syntiew na ki liengsuiñ haba ki met ïap ki dang thiah ha ka jaka thang. Ki jait jinglehniam Sanatan (ki bym ju kut por) aïu kiba kum kine? Ki met ïap ki la thiah sawdong, bad ki juti bad ki jaiñ ki nep ki la saphriang kylleng kylleng. La pyndonkam da ki mashin JCB bad ki troli traktor ban bret ïa ki. Haba kane ka la pynlong ïa ka sorkar ba kan buhrieh lut, u la ong.
U Yadav u la kam ba u Myntri Rangbah ka Uttar Pradesh u Yogi Adityanath u la kiar na kaba pynpaw ïa ka jingsngewsih halor kane ka jingjia.
“U la pynpaw ïa ka jingsngewsih halor kane ka jingjia hadien 17 kynta ba ka President bad u Myntri Rangbahduh ki la pynpaw ïa ka jingsngewsih halor ka jingjia ba sngewsih,” la ong u heh ka seng SP.
Katba ka MP ka BJP ka Hema Malini ka la ong ba kane ka jingïaïuh para briew ka la ong ka jingjia kaba rit.
“Ngi la leit sha Kumbh, ngi la ïoh ïa ka um kaba ngi ngam kaba pynsngewtynnad bha. Ka de ka jingshisha ba kum kane ka jingjia ka jia, hynrei kam shym la long ka jingjia kaba jur bha. Ngam tip haduh katno ka long kaba jur. La pynpaw pyrthei ïa ka…Ka la long kaba la pynïaid ha ka rukom kaba dei, bad baroh la pynbiang…Kumta bun ki briew ki la wan, ka long kaba eh bha ban pynbiang hynrei ngi la leh ïa kaba bha tam,” ka la ong. Kumba la pynpaw da ki pulit ka jylla, la ong ba ki la don kumba 30 ngut ki briew kiba la ïap ha ka jingjia bad palat 60 ngut ki la mynsaw. Hynrei katkum ka jingshisha la shem ba ki la jan don 2000 ngut ki briew kiba la ïap ha ka jingïaïuh para briew ha ka jing-lehniam Shahi Snan.
