New Delhi, Rymphang:
Ïa ka pisa kaba T. 2,025.75 klur la pyllait sha ki 11,61,077 ngut ki nongthep pisa jong ka Sahara Group of Cooperative Societies haduh ka 28 tarik, Kyllalyngkot, 2025, ong u Amit Shah, Myntri ka tnat ki kam pohïing bad ka jingïatreilang jong ka sorkar pdeng, ha ka Lok Sabha ha ka sngi Ba-ar.
U Shah u la ong ba ka jingpynmih pisa ka long lyngba ka Website. “Ka jingpynmih pisa baroh ka long da ka Digital… la pyntreikam hapoh ka jingpeit… jong u Justice R. Subhash Reddy, nongbishar barim jong ka Supreme Court ryngkat ka jingïarap jong u Gaurav Agrawal, Amicus Curiae,” u la ong.
U la ong, “Ïa ki aplikeshon… la pyntreikam ha ka rukom kaba shai, halor ka jingithuh kaba biang bad halor ka jingaiti ïa ki sakhi jong ka jinglong bad ki jingthep pisa jong ki. Mynta, ka jingsiew tang haduh T. 50 hajar la ai sha man ki nongthep pisa ba shisha jong ka kynhun jong ki seng treilang jong ka Sahara pyrshah ïa ki jingdawa ba la pynshisha lyngba ka Bank Account ba la pynskhem da u Aadhaar.”
