New Delhi, Rymphang:
Kumba la thmu ki jingpyntreikam shi bynta ban ai ka jingïada bad jingshngaiñ na ka bynta ki kynthei bad ki khynnah, ka sorkar Delhi ka la thmu ban pyndep ha ka ban buh bad ban pynbiang ïa ki CCTV kiba kham khlaiñ bor ha kylleng ki thaiñ jong ka nongbah ki la ïaid shakhmat.
Ki heh jong ka Public Works Department (PWD): “Kane ka Project ka don jingthmu na ka bynta ban buh ïa ki CCTV Camera na ka bynta ka jaka ba don ki Anganwadi ha Delhi. Kan sa pynkhlaiñ ïa ka jingtreikam jong kine ki kor ki bor shi bynta ban wanrah ka jingshngaiñ ha ka nongbah. Ïa kine ki jingtreikam jong ki kor ki bor la ai jingkyrshan da ki pulit ha ka ban lah ban wanrah ïa ka shongsuk shongshngaiñ, ban ïarap ha ka ban pynlong ïa ki jingtohkit, ban ïarap ha ka ban ai jingïada, ban lap ïa ki nongleh bym man kiba leh ïa kiba bun ki jait kam pyntriem.”
Ki heh ba dei khmih ki la ong ba kine ki kor ki bor kin sa ïarap ha ka ban lah ban pyntreikam stet ïa ki jingtohkit bad kumjuh ban lap bad ithuh ïa ki runar ba suba donkti ha ki kam pyntriem, ïa ki kali bad ki tiar ba ki runar ki pyndonkam khnang ban ïarap ban ïada ïa ka jingim jong kiba bun.
Katkum ka jingong jong ka PWD, la ïathuh ba ki la don palat 500 tylli ki CCTV Camera kiba khlaiñ bor ïa kiba la thmu ban buh. Ka Command Control Room kan sa shim ka jingkitkhlieh na ka bynta ban pyntreikam ïa kine ki kor ki bor bad ban ai jingtip lada donkam ban shna ne pynbha ïa ki Camera.
