Ka Elekshon bad ka rukom jied nongmihkhmat ba ngi dei ban jied ha la ki konstituensi ba ngi don kyrteng kum ki nongjied (Voters). Kaba nyngkong eh ngi dei ban jied ïa uno-uno ne kano-kano briew ne kyrtong uba don ka jinglong ba bha bad uba tip briew tip Blei. Kaba Ar ngi dei ban jied ïa u kyrtong uba la don ka jingnang jingstad. Kaba lai ngi dei ban jied ïa u briew uba don ka jingïadei kaba jan bad u paidbah ka konstituensi bad uba don jingshaniah na kiba bun ki shnong hapoh ka konstituensi bad uba don jingshaniah na kiba bun ki shnong hapoh ka konstituensi.
Kaba saw ngi dei ban jied ïa u briew u bym don dak sniew ha ka imlang ka sahlang. Kaba san ngi dei ban jied ïa u briew uba don ka mynsiem sngewrit bad u bym don ka jinglong hanga-mei. Kaba hynriew ngi dei ban jied ïa u briew uba ieit ïa la ka ri bad ka jaitbynriew. Kaba phra ngi dei ban jied ïa u briew u bym ju dih kiad bad drok. Kaba khyndai ngi dei ban jied ïa u trai shnong ne trai muluk.
Kaba shiphew ngi dei ban jied ïa uno-uno ne kano-kano la ki ïeng na ki seng National ne Regional bad kum ki riewshimet ruh tangba uba ïoh jingshaniah hapoh ka konstituensi. Kaba khadwei ngi dei ban jied na kano-kano ka seng kam pher tangba ki bym ju leh kino-kino ki kam bym hok da kaba shuthied da ka dor ïa ka vote tang ban ïoh jingkyrshan ïa u. Kine ki mat ki long kiba donkam ban bishar ïa u briew ha ka sngi thep vote shuwa ban shon ïa ka vote ha uba ngi don ka mon ban vote.
C. B. Iawphniaw
