Balei U Jisu u kren ïa kine ki kyntien ïa kiba ju ïalap ïa ka Gospel ha ka kyrteng U Trai, kiba beh noh ïa ki ksuid ha ka kyrteng U Trai bad kiba leh shibun ki kambah ruh ha ka kyrteng U Trai (Math 7 : 22 – 23). Ka daw ka long ba bun kiba long niam khristan kim ju leh keiñ ïa ka mon U Kpa jong nga uba ha bneng bad ki bym kohnguh ïa ki shiphew hukum jong U Blei.
Namar ka ktien U Blei ka ong, To kynmaw ïa ka sngi Sabbaton ban rakhe khuid ïa ka. Namar hynriew sngi men trei bad men leh ïa ka kam jong U Trai baroh hynrei ka sngi kaba hynñiew ka long ka Sabbaton ïa U Trai U Blei jong me.
Hynrei ki bor pynïaid niam jong kane ka pyrthei ki kyntait bad pynkheiñ ïa ka hukum U Blei, ki rakhe pynban ïa ka sngi Sunday lane ka Robibar ka bym don lane thoh ha ka ktien U Blei. Wat la u Trai u la kyrkhu ïa ka sngi Sabbaton bad u la pynkyntang khuid ïa ka Exsodos 20 : 11. Bun ki daw ba ki khristan kim kohnguh ïa ki shiphew hukum kiba u Blei u la buh.
Dei na kane ka daw ba u Jisu u ong, ym u briew baroh uba ong ha nga. Ah Trai Ah Trai u ban ïoh leit hapoh ka hima ki bneng. Hynrei dei tang kita kiba leh ïa ka mon u kpa kin ïohi ïa U Blei. Bad suk kiba khuid ha ka dohnud naba kin ïohi ïa u Blei
(Math 5 : 8).
C. B. Iawphniaw
