Nongstoiñ, Rymphang 13
Ka Nongstiñ FT ka la bteng ïa ka jingjop ha ka Super Division na ka bynta ka NDSA Premier League Football Tournament 2024-25, hadien ba ka la lah ban pynliem noh ïa ka Mawkawah da 1-0 kol ha ka Sngi Palei ha madan New Nongstoiñ.
Ka jingïakhun ha kane ka sngi ka la long shisha kaba ïakhaid bha namar haduh ba kut jong ka kylla step ym shym la don mano-mano ban ïoh thep kol. Haba wan bteng ïa ka kylla miet dei ka Nongstiñ kaba la lah ban pynurlong ha ka minit kaba 68 lyngba u Banshynshar Ïawphniaw na ka bynta ban ïoh shisyndon ïa ka jingjop.
Haba phai sha ka First Division, ka Nonglwai YSCO ka la jop da 3-0 ïa ka Siejlieh.
