Shillong, Rymphang 13
Ka Young Guns ka la pynliem noh ïa ka Golflink XI da 140 run na ka bynta ban ïoh jingjop ha ka lympung ïalehkai First Division Shillong Cricket League 2024-25 ha ka Sngi Palei ha madan Polo.
Ha kane ka jingïakhun ka Golflink kaba la jop ïa kynting pisa, ka la ailad shwa ïa ka Young Guns ba kan tied nyngkong ha kaba ka la ïoh 229 run bad shah pynkhyllem 10 wiket ha ki 39.5 over. Kane ka la wan lyngba ka jingïalehkai bha u Manthan Dey uba la khyrwit ïa ka shiteng spah kaba 63 run na ki 89 bol lem bad u Aditya Singh uba la ïoh 52 run na ki 37 bol. Katba u Abid Khan u la shim 3 wiket bad 2 wiket da u Pritam Singh.
Haba wan beh ïa ka thong ba la buh da ka liang pyrshah, ka Golflink ka la ïoh tang 89 run bad shah pynhap 10 wiket ha ki 19.5 over. U Pritam Singh u la tied 42 run na ki 40 bol bad u Abid Khan u la ïoh 11 run na ki 15 bol. Katba u Kenny Wanna lem bad u Grish Ray ki la shim mar 3 wiket na ka bynta ka Young Guns. Ïa ka nam ‘Player of the Match’ la ïohpdiang da u Kenny Wann uba la tied 17 run lem bad 3 wiket.
