Shillong, Rymphang 13
Ka Shillong Lajong FC kan ïakhun pyrshah ïa ka Sreenidi Deccan FC ha ka lympung ïalehkai I-League ha ka Sngi Thohdieng ha ka por 7 baje janmiet ha SSA Stadium Polo.
Hadien ka jingjop pyrshah ïa ka Namdhari FC ha ka jingïalehkai ba la dep, ka Lajong ka la khmih lynti ban ïalehkai bha pyrshah ïa ka Deccan kaba na Hyderabad.
Na ka liang u coach, Jose Carlos Rodriguez Hevia u la pynpaw ka jingkyrmen skhem ba ka kynhun jong u kan ïalehkai bha ha kane ka jingïakhun khnang ban ïoh ïa ki lai point. “Ngi la pynleit jingmut bha na ka bynta kane ka jingïakhun pyrshah ïa ka Sreenidi Deccan. Ka kynhun ka la trei shitom bad ngi la long ba la khreh ban pyni ïa ka jingïakhun. Manla ka jingïakhun ki long kiba kongsan na ka bynta ban ïoh ïa ki lai point,” la bynrap u Coach ka Shillong Lajong FC.
Kumba ka long mynta ka Lajong ka la don ha ka kyrdan hynriew ryngkat 19 point na ki 13 sien ïakhun, katba ka Sreenidi Deccan ha ka kyrdan khyndai ryngkat 16 point.
Te kumta la khmih lynti ba kane ka jingïakhun kan long kaba itynnad namar baroh ar kynhun ki la khmih lynti ban ïoh lai point.
