Shillong, Rymphang 13
Ka 4th District League T20 Cricket Tournament 2024 ka la nangjam shaphrang ha kaba ka Friends United bad ka Hurdles Mawsynram ki la ïoh jingjop ha ka Sngi Palei.
Ha kane ka jingïakhun kaba la long ha Saitsohpen kaba ha Sohra, ka Friends United ka la pynliem noh ïa ka Mawphlang CC da 6 wiket. Ka Mawphlang CC kaba la kam trai ban tied nyngkong, ka la ïoh 102 run bad shah pynkhyllem 9 ngut ki nongtied ha ki 20 over. Haba wan shimti ïa ka pali kaba ar ka Friends United ka la lah ban kynjoh sha ka thong da kaba ïoh 108 run bad shah pynhap 4 wiket ha ki 11.2 over. U Nangkiewdor Moore Don u la tied 42 run na ki 30 bol. Ïa ka nam ‘Player of the Match’ la ïohpdiang da u Ernestin Swer.
Haba phai sha kawei pat ka jingïakhun kaba ar, ka Hurdles Mawsynram ka la jop da 88 run ïa ka Mawmluh CC. Ka Hurdles kaba la shimti ban tied nyng -kong, ka la ïoh 197 run bad shah pynhap 9 wiket ha ki 20 over. U Jonathan Parïong u la tied 39 run na ki 20 bol. Katba u Pynbhalang Lyngdoh u la shim 3wiket /37run ha ki 4 over.
Haba wan beh ïa ka thong ba la buh da ka liang pyrshah, ka Mawmluh ka la ïoh tang 109 run bad shah pynhap 8 wiket ha ki 20 over. U Namewanki Pakyntein u la shim 3wiket/15run ha ki 4 over bad ban ïohpdiang ruh ïa ka nam Player of the Match.
