Shillong, Rymphang 13
Ka Nangkiew Benris FC ka la lah ban pynthikna ban jam sha ka semi final ha ka lympung ïalehkai Maitshaphrang Cup 2025 ba la pynïaid da ka KSU Umsning Circle. Kane ka la long hadien ba ka la lah ban pynliem noh ïa ka Meghalaya Police F.T lyngba ka tie-breaker da 4-3 kol ha ka Sngi Palei.
Ha kane ka jingïakhun quarter final kaba la long ha madan Umsning, baroh ar ki kynhun ki la pyrshang ban ïakhun tyngeh naduh kaba sdang, hynrei haduh kaba kut ka jingïalehkai kim shym la lah ban thep kol. Dei ha ka jingïashut tie-breaker ba ka Nangkiew Benris ka la lah ban tam da 4-3 kol ïa ka liang pyrshah.
Ïa ka nam ‘Man of the Match’ la ïohpdiang da u rangïalehkai ka MLP u Ñiawkor Kyndiah ha kaba la sam ïa ka memento da u Bah Rocky Kylla.
Kawei pat ka jingïa-lehkai quarter final kan long ha ka Sngi Thoh-dieng ha kaba ka PSA Manipur kan ïakynduh pyrshah ïa ka Lamare FCO.
