Bhopal, Rymphang:
U Myntri Rangbah ka Madhya Pradesh u Dr. Mohan Yadav u la pynbna ban pynkiew ïa ka pisa na ka T.1,250 sha ka T.3,000. Ïa kane u la pynbna ha ka jingïalang ha ka shnong Pipalrawa, Dewas distrik. Ha kane ka jingïalang la pynpoi T.1,553 klur sha ki Account jong 1.27 klur ngut ki kynthei kiba ïoh jingmyntoi.
Haba kren ha katei ka jingïalang, u CM Yadav u la pynthikna ïa ki kynthei ba kane ka skhim kan ïaid beit khlem kano kano ka jingpynthut.
U la kynthoh ïa ka liang pyrshah da kaba ong, “Ka Congress ka la pynphriang ïa ki jinglamler ha kylleng ka ri, da kaba kam ba ka sorkar jong ngi kan sangeh noh ïa kine ki jingsiew hadien shibnai ne ar bnai. Hynrei ngin ym iehnoh ïa u mawsiang ban pyndep ïa ki jingkular jong ngi.”
U la kdew ruh ba la pynbiang ïa ki tyndong Gas ha ka dor T.450 sha ki 74 lak ngut ki kynthei bad u la kular ban pynkiew suki suki ïa ka jingmyntoi pisa haduh T.3,000.
Ha kane ka prokram, u CM Yadav u la mang pisa ruh sha kiwei pat ki nongïoh myntoi. U la pynkynriah T.337 klur sha ki 56 lak ngut ki nongïoh Penshon Social Security bad 1,624 klur sha ki 81 lak ngut ki nongrep. Shuh shuh u la plie bad buh mawnongrim na ka bynta 53 tylli ki kam pynroi kiba shongdor T.144.84 klur tyngka.
Kane ka jingpynbna ka pyni ïa ka jingkylla kaba khraw ha ka polisi ha ki skhim jingïarap jong ka Madhya Pradesh katba ki jingïakren saiñ pyrthei ki nang jur hashwa ka ilekshon ban wan.
U President ka Madhya Pradesh Congress u Jitu Patwari u la kynthoh ïa kane ka jingpynbna jong u CM Yadav kum ka jingkular kaba khlem urlong. Ha ka jingthoh ha ka X (Twitter mynshwa), u la kynnoh ba ka sorkar BJP ka la pynbna bunsien khlem da pyntreikam shisha.
U Patwari u la kynnoh ba ka jingdon jong ki nongïoh jingmyntoi na ka Ladli Behna Yojana ka la hiar na ka 1.31 klur ha u bnai Risaw 2023 sha ka 1.27 klur ha u bnai Risaw, 2025, da kaba kynnoh ba ym shym la pynrung ïa ki nongïoh jingmyntoi bathymmai katba ïa ki kyrteng kiba la don lypa la weng noh.
U Patwari u la ïanujor ïa u Myntri Rangbah u Yadav bad u Myntri Rangbah barim u Shivraj Singh Chouhan, da kaba kynnoh ba u ïalam bakla ïa ki kynthei da ki jingkular lamler.
La lap ha ka ilekshon sha ka ïingdorbar thawaiñ jong ka Delhi ba ka jingphiah vote hapdeng ka AAP bad ka Congress ka la pynlong ïa ka BJP ban jop ha ki katto katne ki jaka.
Ha ka jingmih ka jingmih jong ka jingthep vote kaba dang shen ha Delhi Assembly, ha kaba ka Aam Aadmi Party (AAP) ka la mad ïa ki jingeh kiba khraw, ka BJP kaba la jop, ka la pynïasyriem bad ka West Bengal, da kaba kam ba ki skhim bha ka miat jong ka Banerjee, ki lah ban nym pynkylla sha ka jingïohnong ha ka ilekshon.
Ha kaba ïadei bad ka jingduh jong ka AAP, ki nongïalam ka BJP kynthup ïa u nongïalam ka liang pyrshah u Suvendu Adhikari bad u heh jong ka seng jylla u Sukanta Majumdar, ki la ai jingmut ba ki paidbah ka Bengal, kumba long kiba don ha Delhi, kin kyntait ïa ki jingai sngew- bha ban pynbiej da ka seng kaba bat ïa ka jingsynshar.
Hapdeng kum kine ki jingïakren, ka ‘Jago Bangla’ ka la sot ïa ka jingkren jong u Banerjee, “Ki jingkynnoh jong ka liang pyrshah kin ym pynthut ïa ngi. Ki skhim jong ngi ki la ai jingmyntoi ïa ki paidbah, bad kin ïeng biang ha ka liang jong ngi.”
Hadien ba la weng noh ïa u Adhir Ranjan Chowdhury kum u president ka Congress jong ka jylla bad la thung ruh ïa u Subhankar Sarkar uba la shim ba u kham jemnud ïa ka TMC, ki kynhun saiñ pyrthei ki la byrngem da ki jingïakren halor ka jingïasngewthuh jingmut kaba lah ban long hapdeng ka Congress bad ka TMC.
Hynrei ka ‘Jago Bangla’ ka la sot ïa ka jingkren jong u Banerjee kaba ong: “Kam don jingkylli ïa ka jingïatehlok. Ka Trinamool kan ïakhun marwei bad kan ïoh ïa ka jingjop kaba kongsan. Ka Congress kam don kano-kano ka jingdon ha Bengal. Ngim donkam ïa ka jingïatehlok bad ka Congress ha Bengal.”
Haba ïadei bad ka jingshah rem jong ka AAP ha ka ilekshon ha Delhi, ka Banerjee ka la kynnoh ba ka jingbym don ka jingïatreilang hapdeng ka Aam Aadmi Party bad ka Congress ka dei kaba pynlong ïa ki ban leh sniew ha kane ka ilekshon sha ka ïingdorbar thawaiñ jong ka Delhi. Katkum ka jingong jong ka, ka jingbym don ka kynhun kaba ïatylli ka la pynlong ïa ki ban shah rem, kaba la ai jingmyntoi ïa ka BJP.
Ha katei ka jingïakynduh, ka Banerjee, ka la kdew ba baroh arliang ka AAP bad ka Congress, kim shym la lah ban ïatreilang ha ka nongbah jong ka ri, kumba long ha Haryana, ha ka por jong ka ilekshon jylla, ha u snem ba lah.
“Kumba ka Congress ka dang neh ha Delhi, ka AAP ruh kam shym la ïatreilang bad ka Congress ha Haryana. Ka jingbym don ka jingïatylli hapdeng jong ki, ka la pynlut dor ïa ki,” la ong u nongthoh khubor jong ka seng, da kaba sot ïa ka ktien jong u Banerjee.
Haba jubab ïa kane ka jingkren jong ka Banerjee, u President ka West Bengal Congress, u Suvankar Sarkar, u la buh jingkylli, ba lada ka seng jong u, kam don jingmut satia, balei ba ki seng riewlum, ki sngewkhia haduh katne ïa ka Congress?
“Ha ka jingshisha, hadien ka jingmih jong ka jingthep vote ha Delhi, bun ki seng thaiñ ki la sngewthuh ba ka dei ka jingbakla ban iehnoh ïa ka Congress ha kata ka ilekshon. Ka jingeh jong ki seng kum ka AAP bad kito kiba pyrkhat kum ma ki ka long ba kim dei ei ei hynrei ka B-team jong ka BJP. Ka TMC ka i kumba ka la klet ba dei ka Congress kaba la ïarap ïa ka TMC2t ban wan ha ka bor synshar,” ong u Le.
Katba ka TMC, ka Congress, bad ka CPI(M) ki dei ki bynta jong ka kynhun pyrshah INDIA block ha ka kyrdan jong ka ri, ka Congress bad ka kynhun Left ki la ïakhun ha ka jingïatehlok ha ka ilekshon sha ka ïingdorbar thawaiñ jong u snem 2021 bad Lok Sabha ha u snem 2024 bad ki pyrshah ïa baroh ar tylli ki seng TMC bad ka Bharatiya Janata Party (BJP) ha West Bengal.
Hynrei ka BJP jong ka West Bengal, ka la kyntait ban buh jingmut than ïa ki jingkren jong ka Banerjee bad ki jingkynthoh kiba ki la pynmih na kane ka seng kaba la paw bha.
