Shillong, Rymphang 19
Ka jinglah ban pynphai da u Daniel Goncalves ka la biang pura ïa ka Shillong Lajong FC ban ïasam mar shi point ha ka lympung ïalehkai I-League 2024-25 hadien ba ka la ïakhaid mar 2-2 kol bad ka Dempo SC ha ka sngi Palei ha Goa.
Ha kane ka jingïakhun u coach ka Lajong u Jose Carlos Rodriguez Hevia u la bujli tang uwei u rangïalehkai uba la don bynta ha ka jingïakhun pyrshah ha la ïing pyrshah ïa ka Sreenidi Deccan ha ki san sngi ba la lah, da kaba wanrah ïa u Sheen Sohktung ha ka bynta ka Figo Syndai.
Hapdeng kane ka jingïakhun ka Dempo ka la ïoh ban pynkhih jar hadien shiteng kynta lyngba u Marcus Joseph (39) na ka bynta ban tam da 1-0 kol ha ka kylla step. Hadien ar minit ba la bteng ïa ka jingïakhun jong ka kylla miet ka Lajong ka la lah ban pynïakhaid kylla lyngba u Daniel (47?).
Kane ka jingïakhaid ka la pynlong ïa kine ki kynhun ban ïai bteng ha ka ban ïakhun tyngeh, hynriew ka Dempo ka la thep biang ïa ka kol kaba ar lyngba u Mohamed Ali (52?). Hashwa ban wai ka Lajong ka la lah ban pynphai kylla lyngba u Daniel’s (90’+7) na ka bynta ban ïakhaid mar 2-2 kol.
Te kumta ka Lajong kan mih na Goa ban leit sha Bangalore ha kaba kan ïakhun pyrshah ïa ka Bengaluru ha ka 26 tarik mynta u bnai.
