Shillong, Rymphang 19
Ka kynhun ïalehkai Soft-ball na ka Jylla ka la mih na ka nongbah ban leit sha Amravati kaba ha Maha-rashtra ban ïashim bynta ha ka 46th Senior Natio-nal Championship 2025 ka ban sdang naduh 22 haduh 26 tarik u Rym-phang mynta u snem.
Ha shwa ba kane ka kynhun kan mih na ka nongbah, na ka liang ka Meghalaya Softball Asso -ciation (MSA) ha ka Sngi Balang ka la pynlong ka jingïalang kaba kyrpang na ka bynta ban ai khublei Kitbok-kitrwiang ïa kane ka kynhun jong ki kynthei bad shynrang khnang ba kin ïalehkai bha ha katei ka lympung.
Ha kane ka sngi la ïadonlang u President ka synjuk Dr. Aman War kumjuh ka Secretary Kong Rida Lyndem ki dkhot kane ka synjuk lem bad ki khynnah ïalehkai.
Ha shwa ba kane ka kynhun kan leit shim bynta ha katei ka lympung, ka la ïoh ban pynkhreh ïa ki prokram kilanmet haduh shi taïew kynthih ha madan Malki, Shillong hapoh ka jingpynïaid ka coach Kong Rida Lyndem.
Haba ai jingkren ha kane ka sngi, na ka liang u Dr. War u la ai khublei ïa kane ka kynhun kaba la lah ban ïalehkai bha ha ka 6th Meghalaya Games kaba dang shu kut shen ha Jowai, West Jaiñtia Hills. “Phi la ïatrei shitom bad nalor kata phi la ïoh ka por shi taïew ban pynkhreh ïalade. Kumba ngi la ïohi ïa ki rukom ïalehkai jong phi khamtam eh ha ka Meghalaya Games, ngi kyrmen skhem ba phin ïalehkai bha bad ban pyni ïa ki sap ïalehkai jong phi khnang ba phin lah ban kynjoh sha ka jingjop.”
Lah ban kdew ba kane ka jingïalehkai Softball ka la sdang hapoh ka Jylla naduh u snem 2011 ha kaba ka Jylla ka la lah ban phah ïa ki kynhun ïalehkai ban leit shim bynta shabar bad dei ha kine ar ne lai snem ba ka la sdang pynkhie im biang da kaba pynlong ïa ki lympung ïalehkai hapoh ka Jylla (State Championship).
“Lyngba ka jingpynlong ïa kine ki lympung ïalehkai hapoh ka Jylla ba ngi la ïohi ïa ka jingkiew ki khynnah ha kane ka jingïalehkai. Da ka jingailad ka MSOA ban pynrung ïa ka jingïalehkai Softball hapoh ka Meghalaya Games kaba la nang plie lad shuh shuh ïa ki khynnah jong ngi. Ngi khmih lynti ba kin lah ban ïalehkai bha ha katei ka lympung ka ban long ha Amravati,” la pynpaw ka Kong Rida.
Ki kyrteng jong rangïalehkai ki kynthup ïa u Shongdor Shangpliang, Kyntulang Phawa, Wad-phang Phawa, Nangkiew Disiar, Wankit Syiemlieh, Krishna Thappa, Shanli-bor Rympeit, Echwa Phawa (Captain), Breinning Star Thongni, Donaldy Khar-shandy, Deibanshan Myl-liem, Mewan Phawa & Shemphang War. Team Manager-Kitboklang Nongphlang).
Ha ka liang ki kynthei ki long ka Luiza Tamang, Neha Hajong, Riticia Nongbet (Captain), Jerinda Kharshandy, Larisha Phawa, Fatima Dkhar, Icyful Mary Lyngkhoi , Rita Mary Ïawphniaw, Rosa Maslai, Joytiful Narlong, Joyfull Shylla, Ibajanai Wanñiang & Kynshewlin Ïawphniaw. Team Manager- Kong Ibaphira Skhemlon.
