Shillong, Rymphang 20
Ka Lumpyngngad SCC ka la pynliem noh ïa ka Sputnik CC da 5 wiket na ka bynta ban long nongjop ha ka lympung ïalehkai Super Division Shillong Cricket League 2024-25 ba la pynïaid da ka Shillong Cricket Association ha ka Sngi Palei.
Ha kane ka jingïakhun kaba la long ha madan Polo, ka Lumpyngngad kaba la jop kynting pisa ka la ailad shwa ïa ka Sputnik ban tied nyngkong ha kaba ka la ïoh 266 run bad shah pynhap 10 wiket ha ki 44.5 over. U Rajesh Tati u la khyrwit ïa ka shiteng spah kaba 79 run na ki 53 bol bad u Amiangshu Sen u la ïoh 50 run na ki 80 bol. Katba u Abhay Kumar Rai u la shim 3 wiket bad 2 wiket na u Nitin Gupta na ka bynta ka Lumpyngngad.
Haba wan shimti ïa ka pali ba ar, ka Lumpyngngad ka la lah ban kynjoh sha ka thong da kaba ïoh 267 run bad shah pynkhyllem 5 wiket ha ki 43.1 over. Kane ka la wan urlong lyngba ka jingïalehkai bha u Rahul Shah uba la ïoh ïa ka spah run kaba 105 run na ki 66 bol bad u Samir Shah u la ïoh 63 run na ki 73 bol. Katba u Rajesh Prashad bad u Asif Khan ki la shim mar 2 wiket na ka bynta ka Sputnik. Ïa ka nam ‘Player of the Match’ la ïohpdiang da u Rahul Shah.
