Shillong, Rymphang 20
Ka Senior Women Selection Committee jong ka Meghalaya Cricket Association (MCA) ka la pynbna ïa ki 15 ngut ki ‘thei ïalehkai lem bad kiwei kiba la pynap lypa ban mihkhmat ïa ka Jylla sha ka U-23 Women’s One Day Trophy 2024-25.
Kane ka lympung ïalehkai jong ka BCCI kan sdang naduh 5 haduh 13 tarik u Lber ha Pondicherry.
Ka jingpynkhreh ka Jylla na ka bynta kane ka lympung ka la sdang ha ka Sngi Palei ha madan Nongkhrah kaba don ha Ri-Bhoi. Ki 15 ngut ‘thei ïalehkai lem bad ki coach kin leit sha Pondicherry ha ka 2 tarik u Lber, katba ki nongïalehkai ba la pynap lypa kin leit ai jingtip sha la ki jong ki synjuk ïalehkai kiba don ha ki district.
Ki kyrteng jong 15 ngut ki ‘thei ïalehkai ki long ka Blaridahun Dkhar, Rikmanchi Sangma, Neelam Roy, Dublin D Nengnong (WK), Mansi Anand, Ritreki Pohshna, Monica Singh, Aakriti Pradhan, Fulnessy Mawlong, Ruby Chettri (C), Monica L Phawa (VC), Ankita Sharma, Saradafica Kharwanñiang, Shruti Kumari Ray bad ka Indariakor Kharwanñiang. Katba kiwei pat kiba la pynap lypa ki long ka Jayshree Singh, Chandini Sahani, Smillin N Sangma, Ridahun Nongsiej bad ka Aanchal Singh.
Ki coach ki long ka Deepali C Patkar (Coach), Pyntngen Mark Andrew Swer (Assistant Coach), Sushma Thapa (Physio), Apurva Nadkarni (Trainer) bad Baïahunlang Mylliemngap (Manager).
