Shillong, Rymphang 20
Ka Sumer SC ka la jam sha ka semi final ha ka lympung ïalehkai phutbol ba la pynïaid da ka Shlem Saiñdur, hadien ba ka la lah ban pynliem noh ïa ka YBSC Shella lyngba ka tie-breaker da 9-8 kol ha ka Sngi Palei.
Haba phai sha kane ka jingïakhun kaba la long ha Lumsohpieng kaba ha Bhoirymbong, ka la long kaba itynnad bad kaba ïakhaid katta-katta ha kaba baroh ar kim shym la lah ban thep kol haduh kaba kut ka jingïalehkai.
Kawei pat ka jingïalehkai quarter final kan long ha ka 28 tarik mynta u bnai hapdeng ka Blue Bomber’s pyrshah ïa ka Laitkyrhong ha ka por 1:30 nohphai sngi.
