Shillong, Rymphang 23
Ka kynhun ïalehkai jong ka Maldives ka lah ban ym wan ïashim bynta ha ka jingïalehkai paralok (FIFA International Friendly) bad ka India kaba la thmu ban long ha nongbah Shillong.
Kane ka jingïalehkai ka dei ban long ha ka 19 tarik u Lber, hynrei katkum ki khubor la thoh ba ka Maldives ka don hapdeng ka jingartatien ban wan ïalehkai ha ka nongbah Shillong namar ka jingbym don ka jingpynïasoh liengsuiñ kaba biang na kane ka nongbah ban leit shim bynta pat ha ka AFC Asian Cup 2027 qualifier ka ban long ha Philippi.
La ïathuh na ka liang ka Maldives ka la kyrpad ïa ka All India Football Federation ba kan pynkynriah ïa ka jaka ïalehkai na ka bynta katei ka jingïalehkai paralok na ka nongbah Shillong sha kawei ka jaka.
Kumba ka long mynta ka Kolkata ka lah ban long kawei pat ka jaka kaba biang na ka bynta ka Maldives.
