Kane ka long ka jingshisha. Ym don uno uno u briew ne kano kano ka niam kaba lah ban pynkoit ïa ki jingpang da kaba shu duwai ne kñia. Ki Pastor, ki Phadar kum ki nongïalam niam ki lah ban pynkylla niam hynrei kim lah ban pynkoit ïa ki jingpang.Ka sorkar Assam ka tip ba ym don mano mano ba lah ban pynkoit ïa ki jingpang da kaba shu duwai.
Namarkata ka wanrah ïa ka aiñ ban tehlakam bad tehlakam ïa ka jing-leh byrtong jhara khlem dih dawai ban shu pynkoit ïa ki jingpang da kaba shu duwai. Lada ki niam ki lah ban pynkoit ïa ki jingpang tang da kaba shu duwai kata te ym don Blei keiñ. Namar ha ka jingshisha dei tang u Blei uba lah, u briew um lah ban leh eiei khlem ka mon jong u Blei nongthaw nongpynlong ïa kiei kiei bad ïa ngi ki briew. Ha u Blei ka long kaba lah ym ha u briew. Ka Baibl ka ong, shibun ruh kiba pang ñiangthohlieh kila don ha Israel ha ka por u Elisha u nongïathuhlypa, te ia uwei ruh na ki ym shym la pynkhuid (Loukas 4 : 27). Bun ruh kiba long niam kiba pang ba shitom hynrei ym don ba lah ban pynkoit ïa kiba pang khlem ka mon u Blei. Dei tang u Blei uba lah ban pynkoit ïa ka jingpang jingshitom jongngi ki briew. Wat u Jisu ruh u la ong, ha uwei u synran, ïeh ïa kiba iap ban tep ïa kiba iap jongki. (Loukas 9 :60). Namar ym lah ban pynim ïa kiba la iap. Da ki spah ki hajar ki iap man ka sngi ha kylleng hynrei ym don ba lah ban pynim. Kumno keiñ ki Pastor ki Phadar ki lah ban pynkoit ïa kiba pang tangda kaba shu duwai ? Ka jingkoit jing-khiah ka wan na u Blei ym na kane ka pyrthei.
C. B. Iawphniaw
