Ngi ki briew ngi long ki khun u Blei, namar u Blei u la thaw ïa ngi ki briew ha ka dur jong u hi (Jenesis). Hynrei ym don uwei ruh u ban lait na ka pop, wat ïa ngi ïaroh bad mane ïa u Blei miet bad sngi ruh. Ngi shakri ïa u Blei lyngba ki niam ne ki balang bapher bapher hynrei ngim lah ban lait im na ka sni jong ka pop. Namar ka ktien u Blei ka ong, ka bainong jong ka pop ka long ka jingïap.
Namar kum ki briew ngim lah ïada ban lait na ka jingïap da lei lei ruh. Ka jingïap ka long ka syrnot jong ka pop ïa ngi ki briew. Namarkata ka jingïap ka long ka nongshun kaba khadduh ha ngi ki briew. La ngi long kiba duk ne kiba riewspah, ngim lah lait na ka jingïap. Ka jingiap ka rat naphang ïa ngi ki briew naduh kiba dang khynnah, ki samla bad kiba la tymmen kam ju map ïano ïano ruh naba la dei ka por ne ka sngi ka jingïap.
C. B. Iawphniaw
