UK, Lber:
Kawei ka nongleh be-ijot ia ki khynnah kaba la shah rai pynrem bad kaba dang shah set patok 12 snem shiteng ha UK, la lap ba ka la khlad noh hapoh patok ba la set ia ka bad ia kane la pyntikna da ki bor pyniaid jong katei ka patok ba la set ia ka ha ka taiew ba la dep. Ia ka Rebecca Holloway, 31 snem ka rta, la lap ba ka la iap hapoh ka HM Prison Low Newton ha Durham, ha kaba ka dang duna ia ka 5 snem ha ka jingshah set patok. La pyntip sha ki bahaïing bahasem jong ka hynrei ym shym la pynshai bniah halor ka daw jong ka jingïap. La khmih lynti ba ki heh ka Prisons & Probations Ombudsman kin ai ia ka jingpynshai kaba bniah halor ka jingiap ba kyndit jong katei ka briew ha ka por kaba biang.
“Ka koidi jong ka HMP/YOI Low Newton, ka Rebecca Holloway, ka la khlad noh ha ka 13tarik February. Kumba long bad baroh ki jingiap ha phatok, u Prison and Probation Ombudsman un tohkit bniah,” la ong u nongaiktien jong katei ka tnat pulit.
Ka Holloway ka la kam ïa ka thup jong ki kam leh beijot ïa ki khynnah, ba kynthup ïa ar tylli ki jingshah kynnoh batbor ha Great Frombsy Crown Court ha u snem 2018 hadien kane ka la shah pynngat ha ka jingshah set patok kaba slem.
