“Ka jingwan jong ka Party VPP ha ka por synshar ban ïalam ïa ka Council kaba khuid bad suba ka long ka dak jong ka jingkyrmen ïa ka Jaidbynriew baroh kawei kaba baroh shi katta ngi la sngewthuh jingkyrmen bad kumba ym don lad shuh kum ka Jaidbynriew.
La kyrpad jur ïa kane ka council ba mynta ban shim khia bha halor ka Bamsap kaba shyrkhei bha napoh napoh kaba baroh ngi ki paidbah ngi ïa tip lut.
Ban pynshitom ïa ki Syiem kiba la Die Lilam ïa ki khyndew ki Shyiap sha ki bym dei ki Trai Ri Trai Muluk, ka jingai NOC sha ki Bar Jylla bad ïa suhbuit bad ki MDC barim jong ka Council. ïa kane yn sa pynmih ïa ki sabut kiba biang kham hadien. Ban shim khia bha ïa ka rukom ai ïa ki Trade Licences sha ki bym dei ki Riewlum da kaba shim pisa kaba jur bha.
Ka jingthung kam thung jam sop-sop da ki Officers bad kiba don ha ka Bor ha ki tnad treikam ka Council kum ha ka Trade, General Branch, Judiciary, Forest, Etc. da kaba siew pisa da ki lak tyngka. Ym pat ju kynmaw ba ka Council kiba rim kin ai ïa ki khubor laitkam ha ki kot khubor bad kiwei kiwei bad ban pynlong da ki Examine/Interview. Halor kane ka Council ka dei ban pynduh pyndam noh ïa kine ki Appointment baroh kiba la thungkam naduh 10 snem mynshuwa bad ban pynlong da ka interview kaba long laitluid. Lada ka KHADC kan lah ban pynbeit noh kloi ïa kine kiei-kiei kiba bam kruiñ ïa ka Jaidbynriew jong ngi kan long ka jingkyrkhu bad jingkyrmen ïa ka Ri sa shisien pat.
Mr. Scot Sumer, Pynthorbah
Mr. Emlang Shullai, Mawprem
Mr. Aibor Lyngdoh, Jaiaw Laitdom, Shillong
