Srinagar, Lber:
U Myntri Rangbah ka Jammu & Kashmir, u Omar Abdullah, u la kyntait ïa ki jingkynthoh ha kaba ïadei bad ka jingplie ïa ki dukan die kyiad thymmai ha ka UT.
U Omar u la thoh ha ka rynsan X bad u la ong, “Ym don ki jaka die kyiad thymmai kiba la pynbna ne ai jaka da ka sorkar jong nga.”
U la maham ruh ïa ki lad pathai khubor ban “pynïaid ïew ïa kane ka jingthok”.
Da ka jingïalang kaba ar jong ka J&K Assembly kaba dang ïaid shakhmat, ka jingkynnoh ka la jur bha ba ka sorkar u Omar kan plie ïa ki jingthew na ka bynta ki jaka die kyiad thymmai ha u bnai Ïaïong.
Ha kine ki khyndiat bnai ba la dep, ka J&K ka la sakhi ïa ka jingkynthoh kaba jur katta-katta ban khang ïa ka jingdie bad jingdih kyiad.
Ki Private Member Bill ha kaba ïadei bad kane ka bynta ruh la buh ban wanrah ha ka miej ïakren ha ka dorbar kaba mynta, hadien ba la dep ban ïakren halor ka mang tyngka.
Ka sorkar ka la ong ruh ba katkum ka J&K Excise Policy na ka bynta u snem 2025-26, ba la pynbna ha ka 15 tarik, Rymphang, mynta u snem, la buh 305 tylli ki vend (dukan die waiñ) ha ka e-auction bad hadien ba la pyndep ïa ka jingthep bidding; la ai 271 tylli ki jaka die lyngba ka rukom lilam da ka e-auction (ba la pynlong da ka J&K Bank) sha ki nongthep dor kiba jop.
