New Delhi, Lber:
Ka Lok Sabha ha ka 25 tarik u Lber, ka la mynjur ïa ka Finance Bill 2025 ha ryngkat 35 tylli ki jingpynkylla jong ka sorkar, kynthup ïa kawei kaba pynduh noh ïa ka khajna Digital kaba 6 percent halor ki jingpynbna Online.
Da ka jingmynjur ïa ka Finance Bill 2025, ka Lok Sabha ka la pyndep ïa ka bynta jong ka ban mynjur ïa ka mang tyngka.
Hadien ba ka Rajya Sabha ka la mynjur ïa kane ka Bill, ka jingpyntreikam ïa ka mang tyngka na ka bynta u snem 2025-26 kan long kaba pura. Ka mang tyngka jong ka sorkar pdeng 2025-26 ka thmu ban pynlut baroh T. 50.65 lak klur, kaba kiew da 7.4 per cent na ka snem mang tyngka ba mynta.
Ka jingpynlut pisa baroh kaba la tyrwa na ka bynta u snem mang tyngka ban wan ka long T.11.22 lak klur bad ka jingpynlut pisa kaba treikam ka long T.15.48 lak klur. Ka tyrwa ban lum khajna baroh T.42.70 lak klur bad ka jingshim ram baroh T.14.100 klur.
Katkum ki kot ki sla jong ka mang tyngka, la mang T.5,41,850.21 klur na ka bynta ki Central Sponsored Scheme na ka bynta u snem mang tyngka ban sdang naduh ka 1 tarik u Ïaïong 2025.
Kane ka long haba ïanujor bad T.4,15,356.25 klur na ka bynta une u snem mang tyngka ba mynta. Na ka bynta ki skhim jong ka sorkar pdeng, la mang T.16.29 lak klur na ka bynta ka FY26 haba ïanujor bad T.15.13 lak klur na ka bynta u snem 2024-25.
Ki jingkheiñ jingdiah jong ka mang tyngka ïa ka jingpynlut na ka bynta u snem 2025-26 ki la kiew namar ki katto katne ki daw, kynthup ïa ka jingkiew ha ka jingsiew ïa ka sut ha ki ram ki ïew, ki Treasury bill, External Loans, ki jingbuh pisa kiba rit bad ki pisa ba la buh; ki jingdonkam kiba kham heh jong ki shipai, kynthup ïa ka jingpynlut pisa; bad kham bun ki kyndon na ka bynta ka skhim pynmih kam.
Baroh ki marpoh khyndew ba la phah sha ki jylla, kynthup ïa ka jingai bor ïa ka bhah jong ki jylla, ki grant/loan bad ki jingpyllait hapoh ki Skhim ba la kyrshan da ka sorkar pdeng, ha ka mang tyngka 2025-26 ka long T.25,01,284 klur, ka jingkiew kaba T.4,91,668 klur na ka mang tyngka ba shisha jong u snem 2023-24. Ka jingbuh pisa na ka bynta u snem ka kheiñ ka diah jong u 26 ka la long 4.4 percent pyrshah ïa ka 4.8 percent ha une u snem mang tyngka ba mynta.
Ka GDP na ka bynta u snem mang tyngka 2025 -26 la antad ba kan long T.3,56,97,923 klur, kaba long 10.1 percent halor ka Revised Estimates na ka bynta u snem 2024- 25 kaba long T.3,24,11,406 klur kaba la pyllait da ka National Statistical Office(NSO).
