Tang na ka daw ba ai jait sha ka kmie ka jaitbynriew jongngi la kam kum ka jaitbynriew kaba kyrpang ha pyrthei. Kane kam dei ka daw ba ka jaitbynriew ka long kaba kyrpang. Ka dei ka jaitbynriew kaba khyllah. Ka jaitbynriew kaba kyrpang ka long ba ym don ka shong-kha khleh bad kiwei ki jaitbynriew. Bad ym dei tang ba ngi shim jait na ka kmie.
Ki dustur ki riti ki dei ban long kiba janai ym ban ïa milai lang bad ki dustur ki riti jong kiwei ki jaitbynriew. Ngi dei ban bat ïa ka jinglong tynrai kum ka jaitbynriew ba u Blei u la buh. Ngim dei ban ïa bud ïa ka niam ka rukom jong kiwei.
Ngi dei ban im beit kumba u Blei u la buh kyrpang ïa ngi kum ka jaitbynriew 7trep. Ka jingshah ïeh khunrei ruh kam dei ban don bun eh ha ka Bri u Hynñiewtrep kumba ka paw. Dei tang ka jaitbynriew Israel ka long ka jaitbynriew kaba la jied kyrpang da u Blei katkum ka ktien u Blei. Ka jaitbynriew kaba sngewhangamei bad sngew ha khlieh ïa u rangbah ka long ka jaitbynriew ka ban jot. Namar tang kiba ai jait kmie kin ïoh Schedule tribe. Kane keiñ ka dei ka sakhi kum ka jaitbynriew kaba khyllah tam sneng tam ha pyrthei. Namar kiba ai jait kpa kin ym ïoh Schedule tribe la thaw aiñ pynjot ïa ka jaitbynriew lyngba ka District Council. Kumne kein yn ñiew kum ka jaitbynriew tipbriew tipblei haba ïa ka jait ki ai sha ka kynthei, ka jingbuh u Blei kim ithuh. U Blei u la thaw nyngkong eh ïa u shynrang (Adam) bad hadien ïa ka kynthei la thoh ha ka Baibl.
Te ka dei keiñ ban ai jait sha u shynrang. Hynrei ka jaitbynriew Khasi kim treh ïa ka jingbuh beit u Blei. Ki ngeit ïa ka jingbuh thaw jait u ki tymmen mynbarim. Dei u shynrang uba pynroi briew ha ka pyrthei lyngba u symbai ba u Blei u la ai. Ka kynthei kam don symbai kum u shynrang. Kumta ka ktien u Blei ka ong. To ki kynthei kin pynkohnguh ïalade ha la ki tnga khnang ban ïoh jingbha. Ki jaitbynriew ha satlak ka pyrthei ki pdiang ïa kaei ba u Blei u la buh. Kumjuh kiba don ha ki jait niam bapher bapher ruh ki pdiang ïa kaei ba u Blei u la buh.
Katba ka jaitbynriew jong ngi kim treh da lei lei ban kohnguh ïa ka hukum u Blei. Ki kham jied ïa kita ki dustur ki riti thaw briew kane ka pyrthei. ka shong sang kam dei ha ka ai jait kmie ne ai jait kpa. Ka dei ka jinglong jingim runar jong u briew ne ka briew. Ngi lah ban ong ka don ka shong sang ha kiba ai jait kpa. Hynrei kane ka long tang ka jingïada rapjot ïa ka dustur ka riti khyllah kaba ai jait kmie. Ka jaitbynriew jong ngi kam dei kaba long kyrpang hynrei ka long khyllah.
C. B. Iawphniaw
