Jowai, Ïaïong 08
Ka Khliehtyrshi SC ka la pynliem noh ïa ka Evergreen Mukhla Mission SC da 136 run ha ka District Cricket League 2025 ba la pynïaid da ka West Jaiñtia Hills District Cricket Association (WJHDCA) ha ka sngi Ba-ar.
Ha kane ka jingïakhun ka Evergreen Mukhla Mission kaba la jop kynting pisa ka la ailad ïa ka Khliehtyrshi SC ban tied nyngkong ha kaba ka la ïoh 241 run bad shah pynhap 10 wiket ha ki 34.3 over.
Haba wan beh ïa ka thong ba la buh da ka liang pyrshah, ka Evergreen Mukhla Mission SC ka la ïoh tang 105 run hadien ba ka la shah pynhap 10 wiket ha ki 22.1 over. U Khimti Dkhar na ka Khliehtyrshi SC u la ïohpdiang ïa ka nam ‘Man of the Match’ hadien ba u la tied 42 run bad shim 3 wiket.
Ka jingïalehkai ha ka Sngi Balang kan long hapdeng ka West Jaiñtia Police CC pyrshah ïa ka Khimusniang SC ha ka por 9 baje mynstep.
