Ka lynti Rel ka long kaba donkam bha ha ka Jylla. Ka lynti Rel ka ai ka jingmyntoi ïa ka ri bad ka jaitbynriew. Ka lynti Rel kam dei kaba wanrah pynbun ïa u mynder kumba bun kiba ïa pyrshah.
Ka lynti Rel ka ai jingmyntoi ïa ka Jylla ha kiba bun ki liang. Ka jingpdiang ban wanrah ïa ka lynti Rel ka long ka jingmyntoi ïa ngi ki paidbah ka Jylla. Ka pynsuk ïa ka leit ka wan ki nongshong shnong ka Jylla. Ka pynkhlaiñ ïa ka khaïi ka pateng jong ki briew, ka lah ban ai kam ai jam ïa kiba bun na ka tnad Rel. Ka lynti Rel ka pynkloi ïa ka leit ka wan na kawei ka jaka sha kawei pat. Ka lynti Rel ka kham ai jingmyntoi shuh shuh ban ïa ki kali ha ka kit ka bah na kawei ka jaka sha kawei pat, Ka Rel ka kham pyntad dor ïa ki mar bam mar dih kiba wan na kiwei ki Jylla jongngi kumba long lem ha kiwei kiwei ki Jylla ka ri India.
Te balei keiñ ngi ïa pyrshah ïa ka jingwan ka Rel hapoh ka Jylla ? Hato kane ka jingpyrshah ïa ka lynti Rel ka long ka daw kaba shongnia ïa ka ri bad ka jaitbynriew. Bad ka lah ban dei ka jingsngew ïapher ha ka saiñ hima sima. Ka jingioh ïa ka lynti Rel ka kyntiew ïa ka ioh ka kot ka Jylla.
C. B. Iawphniaw
