Bengaluru, ïaïong:
Ka Karnataka High Court, ha ka sngi Palei, ka la kynthoh ïa ka sorkar jylla kaba la ailad ban pynlong ïa ka jingïakhih pyrshah ïa ka Waqf (Amendment) Act, katba kane ka kam ka dang don ha ka jingbishar jong ka Supreme Court.
U Justice M Nagaprasanna u la ïohi ba ka jingailad ïa kum kane ka jingïakhih ka long ka bym ïahap haba kheiñ ïa ka jingbishar kaba dang ïaid shakhmat hakhmat ka ïingbishar ba ha khlieh duh.
“Ka jylla kan buh ha ka jingmut ba ïa ka kam la bat da ka ïingbishar ba ha khlieh duh ka jingpynkylla ïa ka aiñ Waqf, bad ym dei ban shah ïa ka jingïakhih kaba kum kane,” la ong u nongbishar.
Ka ïingbishar ka la bthah ïa ka sorkar ban pynthikna ba ki surok paidbah kin ym shah khanglad ha kum kine ki jingjia bad ka la ban jur ba ki jingïakhih ki dei ban long tang ha ki jaka ba la buh bad da ka jingmynjur jong ki bor sorkar.
Kine ki jingïohi ki la mih ha ka por ba bishar ïa ka dorkhas ba la mudui da u Rajesh A, uba dei u nongshong shnong jong ka Mangaluru.
Ka jingkyrpad ka la tuklar ïa ka jingpynbna ba la pynmih da u Police Commissioner jong ka nongbah, uba la bthah ïa baroh ar ki nongpynïaid bos shimet bad ïa ka tnat pynïaid kali jong ka jylla Karnataka ba kim dei ban pynïaid ïa ki jingshakri ha kawei ka bynta jong ka surok bah 73 naduh ka por shiteng sngi haduh ka por 9 baje mynmiet ha ka sngi Thohdieng, namar ka jingïakhih pyrshah ïa ka jingpynkylla ïa ka aiñ Waqf.
Katkum ka jingong jong u nongujor, katei ka jingai jingmut ka la pynthut palat ïa ki kali paidbah.
Kane ka jingïakhih ka la ktah ïa ki nongshong shnong bad khamtam ïa kito kiba dei ban mih ha ka ban leit jingleit sha kylleng ki jaka ha kaba ka la wanrah ïa ki jingkhapngiah ki lynti syngkieñ bad kumjuh ki surok kali. Kane ka la pynbitar ïa kiba bun.
Ki Advocate u Hemanth R Rao bad u Leelesh Krishna ki la mihkhmat ïa u.
Ha ka jubab, ka sorkar jylla ka la ïathuh ha ka ïingbishar ba la pynkylla ïa ka jingpyntip ba nyng-kong bad yn pynneh ïa ka jingïaid kali kaba thikna.Hynrei ki bor pynïaid ki la ai jingmut ba ki kali kamai kiba heh bad kiba pdeng ki dei ban shim ïa kiwei pat ki lynti kum ka jingïada.
Ïa kane ka kam yn bishar biang ha ka 23 tarik, Ïaïong.
