Bun kiba angnud khamtam eh ki ‘riew shongshit niam ki kop ba ki ïoh ïa kynduh ïa u Blei. Hynrei ym don kiba ïoh ïa kynduh ïa u Blei. Namar u Blei u long u Mynsiem kum ka lyer.
Ngi lah ban ïohi ïa ka jingbeh bad khih ki sla dieng sla siej jong ka lyer hynrei ngim lah ban ïohi namar u long u mynsiem. (Ioannis 4 : 24). Ngi lah ban ïaroh bad duwai jlan haduh ban da hap lut u ‘ñiuh khlieh ruh ym don kiba ïoh ïa kynduh ïa u Blei. U Blei u pher na ngi ki briew.
Namar ym dei ïa nga ïa phi ban tip ïa ki ïa lane ki aïom kiba u Blei u la buh ha ka bor jong u hi. Ngi ki briew ngi shaniah beit ha ka jingleh isynei u Blei. U Blei u ieit ïa baroh ki jingthaw jong u. Phi long heh long haiñ ne phi long kiba shakri ïa ka niam miet bad sngi ruh phim ym lah ban ïoh ka jingmap kyrpang ïa phi.
Ka ktien u Blei ka ong. To u Trai u long uta u Mynsiem bad ha kaba don u mynsiem U Trai hangta don ka jinglaitluid (2 Korinth 3 : 17).
Bun ki nongïalap niam ki sngew ba ki la ïoh bat ïa u Blei ha kti. Hynrei kane ka long tang ka rukom hikai niam ka bym ïa dei eiei bad ka bor bad jingkhraw u Blei. Hooid ngi lah ban ïaroh ïa u Blei lyngba ki jingïaseng bad ki kwaïar hynrei baroh ka rai ka shong ha u Blei ban map ïa ngi ki briew.
Wat ki Apostol ruh kim lah ban ïeng sah kyrpang ha khet u Blei. Bun kiba shakri niam haduh la phuh u ‘ñiuh lieh hynrei ha kajuh ka dewmet ngi hap ban leit sah junom.
C. B. Iawphniaw
