Ka shongkha shongman ha ngi ki briew kam don ka jingryntih. Ka jingbym ryntih ka dei namar ngim lah ban ai syrnod (Certificate) ïa baroh kumjuh kum kito kiba da ïaid lyngba ki balang ban pynïathoh shongkurim ïa ki. Namar kiba bun kim ïaid lyngba ki balang ki shu ïa shong hi khlem da ithoh katkum ki aiñ ba thaw u briew.
Bun bah ha Bri u Hynñiewtrep ki shu ïa shong hi wat ki kmie ki kpa ruh kim tip ki khun ki khun ki la ioh briew. Ynda ki la don briew ngi sa tip bad hap bansa ban leit pynithuh kiaw ithuh kthaw, namar ki la dep sadi lypa. Kane ka rukom long ha ka jaitbynriew jong-ngi ka kynrei bad don ha man la ki kur ki jait bad ki shnong ki thaw. Ha ki thaiñ nongkyndong lei lei ki bun bha kiba ïa shongkha dang khynnah ruh.
Kumno keiñ ban pynbeit ryntih ïa kane ka rukom ïa shongkha shongman ha ka jaitbynriew jongngi. Kaba da eh ban wanrah ki aiñ ruh haba ïa dei bad ka kam shongkha shongman. Ka shongkha shongman ka dei kaba la buh i da u Blei naduh myndang long ka pyrthei. Kane ka dei ka jingngeit jong baroh ki jaitbynriew ha pyrthei.
Namar kumba ong noh ha ka jinghikai ka niam khristan ruh u Blei u la thaw ïa u briew bad ka briew ba kin ïa shongkha ban pynroi ïa ka jaitbynriew. Kumta kane ka shongkha shongman ka la nangïar bad nangkiew katba nang mih ki sngi ki ïa. Namarkata ka shongkha ha ngi ki briew ka long kaba la buh da u nongthaw nongpynlong ïa ngi ki briew bad ïa kiei kiei baroh. Kumta kam dei kaba sniew wat lada ngi ïa shong-kha khlem da ïathoh ne da ïathoh ruh.
C. B. Iawphniaw
