Chandigarh, ïaïong:
Uwei u dkhot jong ka kynhun lehnoh Khalistani, uba la phet rieh ha kine ki lai phew snem ba la leit, u la shah kem na kawei ka shnong ha Amritsar jong ka Punjab, ha ka sngi Balang, ong ki heh pylit ha Noida. Ïa une u lehnoh uba la shahkem la tip kyrteng kum u Mangat Singh, ha kaba une u la shah thong pisa da T. 25,000 na ka bynta ban ïohkem ïa u, u la shahkem ha ka jingïatreilang jong ka kynhun Uttar Pradesh Anti-Terrorist Squad (ATS) bad ki pulit jong ka Sahibabad Police Station.
U Singh u la shah kynnoh ba u la pyrshang ban pynïap briew bad hapoh ki kyndon jong ka Terrorist and Disruptive Activities (Prevention) Act bad ka Arms Act. Ïa ka ejahar la mudui pyrshah ïa u ha u snem 1993.
U Singh u la shahkem ha katei ka snem bad u la ïoh jamin ha u snem 1995. U la phet krad naduh katei ka por, la ong uwei u heh pulit. La wad ruh ïa u ha ka mukotduma ba kyrpang jong ka kam runar bad dawa pisa.U hynmen jong u Mangat Singh, u Sangat Singh, u dei u heh duh jong ka seng ba la shah ñiew beaiñ, ka Khalistan Commando Force. Une u la shah pyniap ha ka jingïasiat kaba markylliang bad ki pulit jong ka Punjab ha u snem 1990.
