Ka jingïap ka long kaei kaei kaba u briew um lah ban ïada na ka sni jong ka. Naduh ki nongïathuhlypa, ki nongïathuhkhana, ki nongrep ne ki nongtong dohkha kim lah lait na kane ka apot kaba dei ka jingïap. Ki nongïalap niam kum ki pastor ki phadar bad tymmen basan kiba long ki nongpynphriang bad hikai niam ruh kim don lad ban lait na ka jingïap.
U nongkhrong ne u Chowkidar kim lah lait na kane ka lynti. Ka long kaba eh ban jubab balei ngim lah ban lait na ka jingïap ? Dei tang u Blei nongthaw nongpynlong ïa ka pyrthei bad ïa kiei kiei baroh u lah ban tip lypa ïa ka sngi ïap jong nga jong phi.
Dei tang uta u Blei uba tip lypa ïa ka tarik ka sngi ïap jong ngi ki briew. Ka jing-ïap ka long ka nongshun kaba khadduh jongngi ki briew. Ki briew baroh ha kane ka pyrthei ki don la ki jong ki jong ki kam ba ki trei ki ktah, ki don kiba heh kyrdan bad kiba rit kyrdan hangne ha pyrthei. Hynrei baroh ngi hap pyndem ha ka jingïap.
Ka jingïap ka kham khlaiñ bor ban ïa u Pad Hati ne u ramhah. Ki shipai ne ki riew paidbah kim lah ban kiar na ka jingïap. Kane ka long ka bor jong ka jingïap. Naduh ki khyllung khynnah haduh ki rangbah ki ïoh bhah kumjuh lyngba ka jingïap.
Ka niam ka hikai ba ngin ïap bad ngin sa im biang ha kata ka sngi ba u Blei un bishar ïa ngi iwei pa iwei. Hynrei kane ka long tang ka jingkmen tohhoh jongngi ki briew khlem ka jingshisha.
C. B. Iawphniaw
