Namar ïa ka sngi Sabbaton la pynkylla sha ka Sngi U Trai. Ka sngi Sabbaton ka dei ka sngi shong sngi katkum ka Baibl. Dei tang ka sngi sabbaton ba u Blei u la kyrkhu bad pynkyntang khuid ïa ka (Eksodos 20 :11). U Blei u khlem pynkylla ïa ka sabbaton. Dei u briew ba pynkylla ïa ka sngi sabbaton sha ka sngi U Trai. Ka sngi sabbaton ka dei ka sngi ba hynñiew jong ka taïew bad la tip kum ka sngi nyngkong. Ka bneng bad ka khyndew kin duh noh hynrei ki ktien jongnga kin ym duhnoh (Loukas 21: 23). U Jisu kum u briew, (Tim 2 : 5). U long u nongpynjanai bad nongpynlong ïa ka jingngeit jong-ngi (Hebru 12 : 2). Ki bym kohnguh ïa ka ktien u Blei ki long ki nongïaleh pyrshah ïa u Khrist. U Blei u long uba im sha ki bymjukut, bymjukut bad u don keiñ u shabi ka dujok bad ka jingiap. U Blei u la kyrkhu ïa ka sngi Sabbaton bad u la pynkyntang khuid ïa ka. Shisien ba u Blei u la kyrkhu ym don kiba lah ban pynkylla pat ïa ka. Haba lah ban pynkylla kam dei keiñ ka ktien u Blei ba im. Ka dei ka history jong ka pyrthei. Ki khristan ki rakhe ïa u Blei ha ka Sunday ne ka sngi nyng-kong jong ka taiew.
Ki Jiw ki rakhe ïa ka sabath kumba la buh u Blei. Mano ba ai hukum ban rakhe ïa ka sngi Sunday kum ka sngi shongthait ne ka sngi shong sngi. Hato ka dei naduh u bnai Lber, 321 AD ba ki khristan ki la pynkylla ïa ka sngi shongthait (rest day) na ka Sabbath sha ka sngi Sunday kaba dang neh haduh mynta. Te lada lah ban pynkylla ïa ka sngi kaba la kyrkhu bad pynkyntang da u Blei.
Dei hangne kein ngi lah ban sngewthuh ba kaba dang lah ban pynkylla kam dei keiñ ka ktien u Blei. Ka dei ka kot jong kane ka pyrthei. Ki khristan ki ngeit bad rakhe ïa ka sngi mih pat u Jisu u khun u briew uba long u kynrad jong ka Sabbath. U Blei ruh um ju kylla bad um ju iap kum mangi ki briew. Kane ka long ka jingïapher hapdeng u Blei bad u briew. U briew u pang u shitom, u Blei um ju pang bad um ju shitom. Lada u Blei u ïap mano ba leit on tep ïa u ynda la ïap. Hato ki don ki bahaïing bahasem, ki kmie ki kpa ne ki hynmen hynbew ? Kane keiñ ka long ka jingshisha ba u Blei uba im sha ki bymjukut. Hato kam dei ba ki ïalam bakla ba u Blei u la ïap bad la sah narphna ïa u.
C. B. Iawphniaw
