New Delhi, ïaïong:
Ki la don kumba 272 ngut ki nong Pakistan kiba la mih na India ha kine ki ar sngi ba la dep lyngba ka jaka khappud Attari bad Wagah, bad katto katne spah ngut ki la mih noh ha ka Sngi U Blei ynda la kut ka por ba la buh na ka bynta 12 tylli ki kyrdan jong ki nongshim visa ba lyngkot jong ka ri ba marjan, la ong uwei u heh sorkar.
Ki don haduh 629 ngut ki nong India, ba kynthup ïa ki 13 ngut ki riew shimet bad ki heh sorkar, kiba la wanphai na Pakistan lyngba ka jingker khappud jong ki ri ka pyrthei, kaba don ha Punjab.
Kane ka jingpynbna ‘Leave India’ sha ki nong Pakistan ka dei kaba la pynmih da ka sorkar hadien ba 26 ngut ki briew kiba kham bun ki dei ki nongjngohkai pyrthei ki la shah pynïap ha ki lehnoh kiba don jingïadei bad ka Pakistan ha Pahalgam ha Jammu & Kashmir ha ka 22 tarik, Ïaïong.
Ka tarik ba khatduh ban mih na India na ka bynta kito kiba don ia ka SAARC visa ka long ha ka 26 tarik, Ïaïong.
Na ka bynta kito kiba rah ïa ka Medical Visa, ka tarik ba khatduh ka long ha ka 29 tarik, Ïaïong.
Ki 12 jait ki visa kiba ki nongbat ki hap ban mih noh na India hapoh ka sngi U Blei ki long – ka visa ha ka por ba poi, jong ka kam khaïi, ka phlim, nongthoh khubor, ka jingleit jingwan, ka jingïalang, ka jingkiew lum, ki samla pule, ki nongwan jngohkai, ki nongleit jingleit ha ka kynhun, ki nongleit jingleit bad ki nongleit ïaid riewblei.
Hynrei kito kiba don ïa ki visa ba jrong por bad kiba ïadei bad ki riew shimet lane ki visa sorkar la pyllait na ka hukum ‘Leave-India’.
Katkum ka jingïathuh jong ki heh sorkar, ki don 191 ngut ki nong Pakistan kiba la mih na India lyngba u khappud Attari-Wagah ha ka 25 tarik, Ïaïong bad 81 ngut pat ki la mih ha ka 26 tarik, Ïaïong.
Haduh 287 ngut ki nong India ki la ïaid lyngba sha India na Pakistan. Ha ka 25 tarik, Ïaïong bad baroh 342 ngut ki nong India kynthup ïa ki 13 ngut ki nongmihkhmat bad ki heh sorkar, ki la wanphai na Pakistan lyngba u khappud Attari-Wagah ha ka 26 tarik, Ïaïong, la ïathuh ki heh sorkar.
Katto katne na ki nong Pakistan ki lah ban mih na India lyngba ki kad liengsuiñ ruh, ki la ong, da kaba kdew ba namar ba ka India kam don ka jingïadei liengsuiñ kaba beit bad ka Pakistan, ki lah ban leit sha kiwei pat ki ri.
Ki heh sorkar ki la ïathuh ba kiba bun tam ki nong Pakistan kiba don ïa ki visa ba lyngkot por ki dei kiba sah ha Maharashtra.Ka jingdon jong ki la buh ba kan long kumba 1,000 ngut eiei, ki la ong.
U Myntri ka jylla, u Yogesh Kadam, ha ka sngi Saitjaiñ, u ïathuh ba ïa ki 1,000ngut ki nong Pakistan, kiba don ïa ki visa ba lyngkot por, la bthah ban mih noh na India. Kumba 5,050 ngut ki nong Pakistan, ki la sah ha Maharashtra bad kiba bun na ki, ki dei kiba don ïa ki visa bajlan por.
Na kine, kumba 2,450 ngut ki dei ha Nagpur, 1,100 ngut ha Thane, 390 ngut ha Jalgaon, 290 ngut ha Navi Mumbai, 290 ngut ha Pimpri Chinchwad, 120 ngut ha Amravati bad 15 ngut ha Mumbai, ong ki heh sorkar. katkum ka jingong ki heh sorkar.
Uwei u nongpahara u dang ap pahara katba ka nong Pakistan ka dang poi ha ka jaka khynra ba la pynïasoh lang ha khappud Attari bad Wagah ban leit sha la ka jong ka ri, hajan Amritsar, ha ka sngi U Blei, 27 tarik, Ïaïong, 2025.
Ha ka jylla ba shaphang Shathie jong ka Telangana, u heh pulit u Jitender u la kdew ïa ki jingthoh ba thikna ban ong ba haduh 208 ngut ki nong Pakistan ki sahkut ha katei ka jylla, kiba bun ha Hyderabad.
Ki don 104 ngut ki nong Pakistan ha ka jylla rudnong ba shaphang Shathie jong ka Kerala, ha kaba 99 ngut ki don ha ka visa bajlan por.
Ki 5 ngut kiba sah, kiba don ha ka visa jngohkai pyrthei ne ka visa sumar, ki la mih noh na katei ka ri.
Ka jylla Madhya Pradesh jong ka bynta ba marpdeng jong ka India, ka la don kumba 228 ngut ki nong Pakistan kiba la wan jngoh, kiba bun na ki, ki la dep mih noh na katei ka ri, ong ki heh sorkar.
Ha kawei pat ka liang, la ithuh kumba 12 ngut ki nong Pakistan ha Odisha bad baroh la bthah ïa ki, ba kin bud ïa ka por ba la buh, ba kin mih noh na katei ka ri.
U Myntri Rangbah ka Goa, u Pramod Sawant, u ïathuh ba lai ngut ki nong Pakistan, kiba don ha katei ka Jylla, da ki Visa ba lyngkot por, la bthah ban mih noh. Hynñiew ngut ki nong Pakistan, ki don ha Gujarat, da ki Visa ba lyngkot por — san ngut ha Ahmedabad bad uwei uwei ha Bharuch bad Vadodara.
Ki heh sorkar ki la mih noh na India lane ki dang mih hynnin ka sngi, ka sngi U Blei, ong ki heh sorkar. Uwei u nongap pahara u dang ap pahara katba ka nong Pakistan ka dang poi ha ka Integrated Check Post ha khappud Attari bad Wagah ban leit sha la ka jong ka ri, kaba don hajan Amritsar, ha ka sngi U Blei, 27 tarik, Ïaïong, 2025.
Nalor kine, ki don 438 ngut ki nong Pakistan kiba don ha kane ka jylla ba shaphang Sepngi ha ka visa bajlan por bad kine ki kynthup ïa ki Hindu kiba la pan ban long nong India.
Ha ka thaiñ ba shaphang Shatei, u Director General of Police ka Uttar Pradesh, u Prashant Kumar, u la ïathuh ha ka sngi Saitjaiñ ba ka jingphah biang ïa baroh ki jait nongshong shnong ka Pakistan kiba wan jngoh ïa kane ka jylla kiba la shah bthah ban mih noh na ka ri India ka la dep.
Uwei u nong Pakistan u dang don ha kane ka jylla bad un leit sha Pakistan ha ka 30 tarik, Ïaïong, la ong u DGP.
U Myntri ka tnat ki kam pohïing jong ka sorkar pdeng, u Amit Shah, ha ka sngi Thohdiengi, u la khot ïa ki Myntri Rangbah jong baroh ki jylla bad ul a bthah ïa ki, ba kin pynthikna ba kin ym don uwei ruh u nong Pakistan, uba sah ha India palat ïa ka por ba la buh ban mih noh na katei ka Ri.
Hadien ka jingïakren jong u Shah lyngba ka telephon bad ki Myntri Rangbah, u Union Home Secretary u Govind Mohan u la pynlong ïa ka jingïakren lyngba ka durkhih bad ki Myntri Rangbah bad u la bthah ïa ki ba kin pynthikna ba baroh ki nong Pakistan kiba la shah weng ïa ka visa ki dei ban mih noh na India ha ka por ba la buh.
