Hato u Blei un bishar ïa ngi tang ha ki sngi ba khadduh ? Em, u Blei u la bishar lypa ïa ngi man ki sngi, u bnai bad u snem. U Blei u la tip lypa ïa ki kam bad ki jingleh jingngi man ka sngi. U Blei u tip lypa aiu ba ngi trei man la ka sngi. Ngi leh kano kano ka kam u Blei u la tip lypa. Lada ngi trei hok bad trei bha ne ngi trei tang dep rukom ruh u Blei u la tip lypa.
Ngim lah ban buhrieh ïa ki kam jongngi na khmat u Blei. U Blei u la tip lypa la ngi don ha ka met ba koit ba khiah ne ngi pang ngi shitom ruh. U Blei u iohi lut ïa ka dohnud jongngi ki briew. Ym kum ma ngi ki briew ngi iohi tang ïa ka bynta ba shabar ka met doh jongngi. U Blei u iohi lypa ia ka dohnud bad ka mynsiem jongngi ki briew. U iohi lypa la ngi duk ne ngi riewspah ruh. U Blei u la tip lypa hangno ngi shong ngi sah, u tip lypa ngi don ha ka ri aiu hangne ha pyrthei. U Blei um ju ïathuh lypa lano ka sngi ba ngin iap bad ïehnoh ïa kane ka sla pyrthei.
Namar u Blei u long u nongthaw ïa ngi ki briew bad ïa kiei kiei kiba don hangne ha sla khyndew bad hapoh ki um duriaw.
U Blei uba bat ïa ka mynsiem bad ïa ka jingim jongngi ki briew bad ïa ki kynja jingthaw ba im baroh. U Blei u don ka bor ba halor tam eh ïa baroh. Ym don mano mano ba lah ban ïaleh pyrshah ïa ka bor jong u Blei. U Blei ula tip lypa ïa ki kam bad ki jingtrei leh long nongïalap niam jongngi ki briew bad u la ong. Wat shah ban rong noh ïa phi da ki jinghikai bapher bad ba khyllah jong kane ka pyrthei. (Hebru 13 : 9).
Namar kam don jingmyntoi ban ïaroh ïa u Blei da ka dohnud kaba arsap. Namar ka niam kam lah ban pyllait im ïa nga ïa phi na ka pop. Namar ym don ba tip ïa ka sngi lane ïa ka por, hynrei dei tang u Blei uba tip ïa ka pyrthei lano kan wai. U Blei kein uba la thaw ïa ka pyrthei bad ïa kiei kiei baroh kiba don ha ka, uba long U Trai ka bneng bad ka khyndew (Kam 17 : 24). U Blei u la bishar lypa ïa ngi ki briew shuwa ba ngin iap abd ïehnoh ïa kane ka pyrthei.
C. B. Iawphniaw
