Haba phai ha katei ka laiñ dkhot ba la shim na ka Baibl ka Gospel U Ioannis ka pynpaw ba ngi ki briew khamtam kiba long khristan kim dei ban ïohi ne ïa kynduh ïa ka jingïap lada ngi sumar ïa ka ktien U Jisu u khun U Blei. Hynrei imat bun naduh ki nongïathuhlypa mynhyndai, ki Apostol bad ki nongïalam balang mynta kum ki Pastor, ki Phadar bad ki tymmenbasan kim ju sumar ïa ka ktien U Trai. Namar bun ki la leit noh ha ka lynti ka jingïap. Ym don uba lait im na ka sngi jong ka jingïap. Te ka long lehnohei ka jingshakri ïa U Blei lyngba ki balang namar bun ki la khlad noh. Kane ka pyni ba ym don uba sumar ïa katei ka kyntien ba la sot na ka ktien U Blei ne ka Baibl. Hooid ki Meidot ki Padot jong ngi te kim pat tip nga ngeit ïa ka ktien U Blei te, ngin ong kumne ïa ki haba ki la dep ïap da ki spah snem bym pat wan kane ka Gospel ne ka jinghikai niam khristan. Ha ngi mynta keiñ ngi dei ban sumar bha ïa ka ktien jong u Blei ba ngin ym ïohi ïa ka jingïap lano lano ruh kumba ong ka ktien u Blei. Kane ka pynpaw ba ym don ba sumar ïa ka ktien u Blei. Kumta ngi shah nguid noh ha ka jingïap khamtam haba ngi la noh ka met ka phad bad la tymmen. Namar lada ngi sumar shisha ïa ka ktien u Blei ngi lah ban lait na ka jingïap bad ki jingpang jingshitom kiba bun jait kiba wan lyngshop ïa ka jingïam jongngi ki briew. Ne ka jingiap kaba kumno kane ka jinghikai jong ka Baibl ? Lehse kam dei kane ka jingiap jong ngi ki briew na kane ka sla pyrthei, ka dei ka jingïap da kumwei pat. Hynrei lada ngi sumar katno katno ruh ïa ka ktien u Blei ngin ym lait na ka jing ïap.
C. B. Iawphniaw
