Amaravati, ïaïong:
Ha shwa ba u Myntri Rangbahduh ka ri u Narendra Modi un leit sha Amaravati ha ka 2 tarik u Jymmang, ki pulit jong ka Andhra Pradesh ki la pynkhlaiñ ïa ki lad jingïada ha baroh ar tylli ki distrik kata ha Krishna bad Guntur kiba khlem pat phiah mynshuwa, kynthup ïa ka nongbah Vijayawada bad ka kad liengsuiñ jong ka Gannavaram, ban khanglad na kino kino ki jingjia kiba sniew.
Lait na ka kynhun Special Protection Group, ki shipai ka sorkar kmie bad ki pulit jong ka Guntur, kumba 2,500 ngut ki pulit kiba dei jong ki distrik Krishna bad NTR ki dang shah pyntrei ban peit ïa ki jingpynbeit ïa ka jingpahara ha baroh ar tylli ki sor Krishna bad Vijayawada.
Kaba kham kongsan ka long ba u Modi u la thmu ban leit sha Amaravati ha ka 2 tarik u Jymmang ban sdang biang ïa ki kam pynroi nongbah kiba kot kumba 65 hajar klur tyngka.
Halor kane, katkum ka jingbthah jong ka sorkar jylla, baroh ar ki pulit jong ka Krishna bad ka NTR distrik ki la pynjur ïa ki kam pahara bad khynra, da kaba pynjur ïa ki jingkhynra ba kyrpang ha ki Hotel bad ki Lodge ban kem ïa ki briew kiba suba bad ban tehlakam ïa ki kam beaiñ.
U Commissioner of Police u SV Rajashekhar Babu u la ong, “Ngi dang pynlong ïa ka jingkerkut bad ka jingkhynra ka bym poi pyrkhat ha ki pud ki sam jong ka NTR District Police Commissionerate.” U la bthah ïa baroh ki Ophisar jong ka Station House ba kin pynjur ïa ka jingpahara miet bad ka jingkhynra ban pynthikna ïa ka jingshngaiñ.
Haba ïakren bad ka TNIE, u Deputy Commissioner of Police (Law and Order) ka Vijayawada u KGV Saritha u la ong ba la pynkhlaiñ bha ïa ka jingpahara ha ka nongbah ha kaba la pyntreikam kumba 2 hajar ngut ki pulit na ka bynta ka prokram jong u Myntri Rangbahduh.
“Ka Vijayawada kan sakhi ïa ka jingïaid lynti kaba bun bha jong ki VVIP, bad ki lah ruh ban sah ha ka nongbah,” ka la bynrap.
Ha Gannavaram Airport, ki bor pulit jong ka Krishna hapoh ka jingpeit jong u Superintendent of Police u R Gangadhara Rao ki la pynjur ïa ka jingpahara. Ïa kane ka kad liengsuiñ la phiah ha ki 10 bynta, ha kaba 500 ngut ki pulit ki trei ban pynthikna ïa ka jingpahara kaba jur.
Ka kam pynïadei bad ki kynhun ba kyrpang kum ki Greyhound bad ki Octopus ka dang ïaid shakhmat, bad la pyntreikam ïa ki kynhun pynduh bor ïa u bom bad ki kynhun jong ki ksew smadien ban lap ïa kino kino ki jingma kiba lah ban mih.
Ha kawei pat ka liang, yn pynkylla lynti ïaid kali, bad yn shah tang ïa ki kali kiba ïadei bad ka jingïalang.
“Ïa ka jingïaid ki kali sha Chennai yn pynkylla lynti ha Hanuman Junction lyngba Gudivada-Pamarru bad Bapatla (shane shatai),” ong u SP.
Ki don kumba 400 tylli ki bos bad 20,000 ngut ki briew na Krishna distrik kiba lah ban leit sha ka jingïalang jong u Myntri Rangbahduh ha Amaravati, bad la pynbeit ïa ka leit ka wan katkum kane, la batai u SP.
