Kum ki briew wat la ngi don spah don phew katno katno ruh ne duk ksew bym don ei ei ruh, ngi ïa ïoh mar katjuh ïa u slap bad ka lyer ha ka jingim. Ki nongsynshar pyrthei ne ki khlieh duh jong ki jait niam, ki nong-rep, ki nongkhaïi, ki nongbylla, ki nonghikai,ki saïantis, ki President, ki Patsha, ki nongïathuhlypa, ki nongïalam niam ba khraw katno katno ruh kim lah ban ioh kyrpang ïa u slap ka lyer.
U Blei u la bynta lem ïa ngi ki briew ban ïa ïoh ïa ka bam ka dih, ka kup ka sem, ka pang ka shitom hangne ha sla pyrtyhei. Ym don u briew uba ïoh leit sha bneng ne ïoh diang eiei ruh em lymda la ai na u na bneng (Ioannis 3 : 27). Bun kiba ngeit ba ynda ngi la ïap ngi ïa leit sha bneng bad la u kpa. Hynrei kane ka long tang ka jingkyrmen u briew ym ka jingai ne buh u nongthaw nongpynlong ïa ka pyrthei bad ïa kiei kiei baroh. Namar ngi ki briew shisien ba ngi la noh ka met bad la tymmen ngi hap ban iehnoh ïa kane ka pyrthei bad leit phai noh sha kawei pat ka ri ka bym don ba tip ka don hapoh khyndew ne ha sahit bneng U Blei um ai bor ïa ngi ki briew ban tip lypa ïa ka sngi jingiap jongngi ki briew. Kumjuh um ai bor ba ngin tip shaei ngin leit hadien ka jingïap. Kumba ka paw hadien ka jingïap baroh ngi hap ban leit sah noh shapoh ka dewmet kum ki kruiñ bad ki wieh. Dei kane nga pynpaw ba ngi ki briew ngi ïa ïoh mar katjuh ïa u slap bad ka lyer ha ka jingim katba ngi dang im ha kane ka sla pyrthei.
C. B. Iawphniaw
