Bun kiba angnud khamtam eh ki riew shongshit niam ki kop ba ki ioh ïa kynduh ïa u Blei. Hynrei ym don kiba ioh ïa kynduh ïa u Blei. Namar u Blei u long u Mynsiem kum ka lyer. Ngi lah ban iohi ïa ka jingbeh bad khih ki sla dieng sla siej jong ka lyer hynrei ngim lah ban iohi ïa ka. Kumjuh ïa u Blei ym don kiba lah ban ïa kynduh ne iohi namar u long u Mynsiem. (Ioanis 4 : 24). Ngi lah ban ïaroh bad duwai jlan haduh ban da hap lut u ñiuhkhlieh ruh ym don kiba ioh ïa kynduh ïa u Blei. U Blei u pher na ngi ki briew.
Namar ym dei ïa nga ïa phi ban tip ïa ki la lane ki aiom kiba u Blei u la buh ha ka bor jong u hi. Ngi ki briew ngi shañiah beit ha ka jingleh isynei jong u Blei. U Blei um ju peit ne thew shi-liang ïano ïano. U Blei u ieit ïa baroh ki jingthaw jong u. Phi long heh long hain ne phi long kiba shakri ïa ka niam miet bad sngi ruh phim ym lah ban ioh ka jingmap kyrpang ïa phi.
Ka ktien u Blei ka ong. Te u Trai u long uta u Mynsiem bad ha kaba don u mynsiem U Trai hangta don ka jinglaitluid (2 Korinth 3 : 17). Bun ki nongïalap niam ki sngew ba ki la ioh bat ïa u Blei ha kti. Hynrei kane ka long tang ka rukom hikai niam ka bym ïa dei eiei bad ka bor bad jingkhraw u Blei.
Hooid ngi lah ban ïaroh ïa u Blei lyngba ki jingïaseng bad ki kwaiar hynrei baroh ka rai ka shong ha u Blei ban map ïa ngi ki briew. Wat ki Apostol ruh kim ioh ka ïing sah kyrpang ha khet u Blei. Bun kiba shakri niam haduh la phuh u ñiuh lieh hynrei ha kajuh ka dewmet ngi hap ban leit sah junom.
C. B. Iawphniaw
