Kane ka long ka jingim jongngi ki briew hangne ha sla pyrthei. Balei nga ong kumne, ka long namar ma ngi kum ki briew la u shynrang ne kynthei ruh ngin ym lait na ka jingïap.
Kiba riewspah ne kiba duk ksew kum ju lait na ka jingïap, kiba long niam ne ki bym long niam ruh kim ju lait na ka jingïap. Kiba smat mane blei ruh kim lait na ka jingïap. Namar kiba long khristan ruh ki bun kiba sarong, sngewstad, sngewhok, kiba ñiewbeiñ bad ñiewpoh ïa kiwei ki bym long niam. Nalor bun kiba da ïathoh lyngba ka balang hynrei ki dang ïa phet tnga. Kumta nga shim katba nang leit jingïaseng nang dum. Ki nongïalap niam ne ki bym ju ïalap niam kim lah lait na ka jingïap.
Kiba lieh snieh doh ne kiba ïong snieh doh kim lah lait na ka jingïap. Ki pastor/phadar ne ki bym dei pastor ruh kim ju lait na ka jingïap haba la dei ka por. Kiba ot sher ne ki bym ot sher kim ju lait na ka jingïap. Kiba pynbaptis ne ki bym pynbaptis ruh kim lait na ka jing-ïap. Kiba phong sopti uniform ne ki bym phong sopti uniform ruh kim lait na ka jingïap.
Namar baroh ngi ki briew ngi la leh pop. Kumta ngim ym lait im uwei ruh na ka jingïap. Namar ka sni jong ka pop ka long ka jingïap. Namar ka jingim jong-ngi ki briew kam shong ha ka jingleh niam leh rukom jong kane ka pyrthei. Ka jingim jongngi ka ïa dei direct beit bad u Blei.
C. B. Iawphniaw
