Chandigarh, Jymmang:
U Myntri Rangbah ka Punjab, Bhagwant Singh Mann, u la hukum ban pyllait shuh ïa ka um ban pyndap ïa ki jingdonkam jong ki shipai ha khappud. Kane ka rai, ka la mih hadien ba ka sorkar Rajasthan, ka la kyrpad ïa ka sorkar Punjab, ba kan pynbiang shuh ïa ka um, da kaba kdew ïa ka jingdonkam jong ki shipai ha katei ka thaiñ khappud.
Ha ka jingpynbna paidbah ha ka janmiet jong ka sngi Saitjaiñ, u Myntri Rangbah u la ong ba ka sorkar Rajasthan ka la pan um shuh shuh na ka bhah jong ka Punjab namar ba ki shipai kiba la buh ha khappud Rajasthan ki donkam shuh shuh ïa ka um.
“Ym tang ka um, ka Punjab ka lah wat ban pynmih ïa ka snam jong ka na ka bynta ka jingmyntoi jong ka ri,” u la pynpaw. U Mann u la ong ba man la ka por ba ki jingmyntoi jong ka ri ki ïadei, ka Punjab kam ju shim ïa ka jaka ba shadien. U la ong, “La pyllait um ban pynskhem ïa ka jingïatylli, ka jinglong ba janai bad ka jingsynshar jong ka ri.”
U Mann u la ong ba ka Punjab kan ym tan satia ïa la ki kjat haba ka jingbha jingmiat jong ka ri ka don ha ka jingma. U la bynrap ba la ai ïa ka hukum mardor ban pynbiang ïa ki jingdonkam jong ki shipai jong kane ka ri.
