Ka jingngeit khristan ka dei ban long katkum ka ktien U Blei (Bible). Lada kam don ha ka Bible ka mut kam dei ka jingngeit khristan, ka dei ka jinghikai jong kane ka pyrthei. Ki briew ha kine ki sngi ki ngeit beit ïa ka jingbthah ki nongïalam niam ha kiei kiei baroh (People of those days were following the Instructions of the priesthood in day to day activities). Kum ka nuksa ka Good Friday kam don satia ha ka Baibl Bakhuid. Te halor kano ka nongrim pat ki ong ba ka Good Friday ka dei ka sngi ïap U Jisu Khrist. Lada ngi ong ba ngi dei ki khristan ka nongrim jong ka jingngeit jongngi ka dei ban long beit katkum ka Baibl, ym shabar ka Baibl. To lada ka dei shisha kata ka sngi iap ka dei ban don ka tarik kaba neh ym ba kan kylla man la u snem. Kum ban shu ai nuksa ha u snem 2013 ka Good Friday ka hap ha ka 29th March. Mynta u snem ka hap ha ka 18th April 2025. Ka jingkylla tarik sngi ïap ka long man la u snem. Ym tang ka tarik u bnai ruh u kylla teng teng ka hap ha u bnai March, teng teng ka hap ha u bnai April. Te kumno keiñ ngin ngeit ba ka dei ka sngi iap u Jisu Khrist. Nalor ba kam don ha ka ktien u Blei (Baibl). Ngi dei ban pyni ïa ka jingshisha namar ka niam ruh ka ïalam bakla ïa ngi ki riewngeit. Lada ki ong kaba lieh hap ong kaba lieh lada ki ong kaba ïong hap ngeit ba ka dei kaba ïong. Kum kane sei ka rukom ngeit jongngi ha u Blei
C. B. Iawphniaw
